focustech.it
Zamiest taho, kab adpracavać abiacany śpiektakl, aktrysa viačerała ŭ Sankt-Pieciarburhu z tahačasnym premjer-ministram Rasii Uładzimiram Pucinym dy amierykanskim akcioram Kievinam Kostneram, paviedamlaje Il Giornale.
Viačera adbyłasia jašče ŭ 2010 h. Prysutnaść na joj Muci dakazvaje videazapis. Adnak u teatry svoj «prahuł» aktrysa patłumačyła chvarobaj — łarynhafarynhitam, što paćviardžała miedycynskaja daviedka, jakaja vyzvalała jaje ad abaviazku vyjści na scenu, niahledziačy na atrymany hanarar u 25 tysiač jeŭra.
Administracyja teatra padała ŭ sud pazoŭ suprać aktrysy, vykryŭšy jaje ŭ pradastaŭleńni falšyvaha miedycynskaha paśviedčańnia. Ciapier Muci moža albo adpravicca ŭ turmu, albo, kab paźbiehnuć turemnaha źniavoleńnia, zapłacić 30 tysiač jeŭra Teatru Vierdzi. Prysud akazaŭsia navat bolš strohim, čym raźličvała abvinavačvańnie.
Na dabračynnym pryjomie, pryśviečanym baraćbie ź dziciačymi ankałahičnymi i aftalmałahičnymi zachvorvańniami, u śniežni 2010 hoda na arenie ladovaha pałaca ŭ Sankt-Pieciarburhu taksama prysutničała Žerar Depardjo, Miki Rurk, Hołd Choun, Viensan Kasel, Monika Biełučy, Kurt Raseł, Šeron Stoŭn dy inšyja znakamitaści. U kancy viečara Pucin zaprasiŭ haściej na scenu i razam ź imi vykanali kampazicyju hrupy «Ziamlanie» «Trava ŭ doma».
