U Lepielskim rajonie kala kaviarni mužčyna zabiŭ darosłaha syna žančyny, jakaja jamu spadabałasia.
Jak paviedamiła aficyjny pradstaŭnik upraŭleńnia Śledčaha kamiteta pa Viciebskaj vobłaści Ina Harbačova, 23 lutaha ŭ Lepielski rajonny adździeł unutranych spraŭ pastupiła paviedamleńnie, što ŭ Zasłonavie ŭ domie 34-hadovaha miascovaha žychara znojdziena jaho cieła.
Padčas praviadzieńnia pravierki śledča-apieratyŭnaj hrupaj ustanoŭlena, što zahinuły razam sa svajoj maci znachodziŭsia ŭ kaviarni ŭ vioscy. Tut žančyna sustrakałasia z 59-hadovym miascovym žycharom. Syn zrabiŭ zaŭvahu mužčynu nakont znosin z maci. Mužčyna prapanavaŭ maładomu čałavieku razam vyjści na vulicu, kab abmierkavać situacyju, a tam nanios jamu ŭdar nažom u šyju. Paciarpieły zmoh dajści da svajho doma, dzie pamior.
U dačynieńni da padazravanaha Lepielskim rajonnym adździełam SK raspačata kryminalnaja sprava na padstavie art. 139 KK (zabojstva). Jon zatrymany i daje pakazańni.
Ciapier dapytvajucca śviedki, pravodziacca nieabchodnyja ahlady i vobšuki.