Moda zaŭždy śpiašajecca zrabić budučyniu mienš abstraktnaj, tamu ŭžo zaraz možam płanavać, jakija trendy buduć u siezonie vosień-zima 2015, što my budziem nasić i jak vyhladać uzimku 2015, ale ja prapanuju zastacca u «tut i ciapier».
A tut i ciapier — viasna. A kali spałučyć viasnu i modu — heta kalekcyja Šanel. Pra jaje šmat pisali modnyja časopisy, błohieršy radavalisia kakošaneleŭskim krasoŭkam.
A pakaz kalekcyi viasna-leta 2015 brenda Chanel zaviaršyŭsia finalnym vychadam usich madelaŭ, zaniatych u pakazie, z płakatami i fieministyčnymi łozunhami.
Niepasredna «revalucyjnaje» zaviaršeńnie pakazu Šanel padajecca sprobaj pahladzieć na revalucyju jak na trend
— raznastajnyja šryfty na płakatach, łozunhi i kaniešie ž modnaja vopratka na maładych madelka, ale kali pryhladziecca vopratcy, to možna zaŭvažyć, što vysokaja moda libieralizujecca i nabližajecca da vuličnaj mody: krasoŭki z sukienkaj, spartovyja štany — usio heta prysutničaje ŭ viasnova-letniaj kalekcyi nia tolki modnaha francuzskaha doma.
Tamu kalekcyja Šanel padiecca simbaličnaj — vysokaja moda pryziamlajecca na ziamlu, a tut roznyja rečy adbyvajucca.
