Na advarotnym baku žyrovak zamiest rekłamy buduć raźmiaščać aktualnuju infarmacyju ab žyllova-kamunalnaj haspadarcy.
Ab hetym paviedamiŭ siońnia na pasiadžeńni Minharvykankama pa pytańniach dobraŭparadkavańnia i naviadzieńnia paradku na terytoryi Minska hienieralny dyrektar DA «Minskaja haradskaja žyllovaja haspadarka» Vital Śmirnoŭ.
Rekłama źniknie z advarotnaha boku žyrovak užo ŭ krasaviku. Zamiest jaje budzie raźmieščana karysnaja infarmacyja ab žyllova-kamunalnaj haspadarcy, uvodzimych novaŭviadzieńniach, u tym liku źviestki ab KTHSach, konkursach na lepšaje dobraŭparadkavańnie, techabsłuhoŭvańni žyłfondu.
Takim čynam, jak padkreśliŭ staršynia Minharvykankama Andrej Šorac, u horadzie źjavicca novy sposab infarmavańnia žylcoŭ ab dziejnaści ŽKH.
