ZŠA pačnuć pastaŭki va Ukrainu bronieaŭtamabilaŭ Humvee i raźviedvalnych bieśpiłotnikaŭ Raven.
timesofsandiego.com
Jak paviedamlaje ahienctva AP sa spasyłkaj na krynicy ŭ amierykanskaj administracyi, pra heta paviedamiŭ vice-prezident ZŠA Džo Bajden u telefonnaj razmovie z prezidentam Ukrainy Piatrom Parašenkam. Aficyjnaha paćvierdžańnia hetaj infarmacyi nie pastupała.
Ukraina atrymaje 230 aŭtamabilaŭ Humvee, u tym liku 30 mašyn z padvyšanaj bronieabaronaj. Kolki bieśpiłotnikaŭ pastaviać ZŠA, nie paviedamlajecca.
Aparaty Raven majuć videakamiery, u tym liku z funkcyjaj načnoha bačańnia. Nijakaha ŭzbrajeńnia jany nie niasuć.
Akramia broniemašyn i bieśpiłotnikaŭ, Ukraina atrymaje radyjostancyi, radary i inšaje abstalavańnie. Pastaŭlać śmiarotnuju zbroju amierykanskaja administracyja pakul nie maje namieru.
