 |
Ministerstva justycyi zaćvierdziła rašeńnie Minskaha harsavieta pa prysvajeńni novym vulicam stalicy imionaŭ narodnaha piśmieńnika Biełarusi Janki Bryla i kanclera Vialikaha kniastva Litoŭskaha Lva Sapiehi.
Jak paviedamiŭ BiełaPAN staršynia respublikanskaha hramadskaha abjadnańnia «Tavarystva biełaruskaj movy imia Franciška Skaryny» Aleh Trusaŭ, u liście, jaki pastupiŭ u štab‑kvateru TBM z upraŭleńnia kultury Minskaha harvykankama, paviedamlajecca, što ŭ Miniuście prajšło jurydyčnuju ekśpiertyzu rašeńnie staličnaha harsavieta ad 30 listapada 2007 hoda ab nadańni novym zaprajektavanym vulicam u mikrarajonie Michałova‑1
imionaŭ viadomaha piśmieńnika Ja.Bryla i vydatnaha biełaruskaha dziaržaŭnaha dziejača XVI stahodździa Ł.Sapiehi.
Heta stała mahčymym, ličyć A.Trusaŭ, dziakujučy pazicyi kiraŭnictva TBM i padtrymcy žycharoŭ Minska.
Nahadajem, što 26 vieraśnia 2007 hoda Minski harsaviet pryniaŭ rašeńnie ab prysvajeńni novym vulicam stalicy imionaŭ Ja.Bryla i Ł.Sapiehi. Adnak Ministerstva justycyi padčas praviadzieńnia jurydyčnaj ekśpiertyzy hetaha rašeńnia vyniesła admoŭnaje zaklučeńnie sa spasyłkaj na 15 artykuł Zakona «Ab administracyjna‑terytaryjalnym dzialeńni i paradku vyrašeńnia pytańniaŭ administracyjna‑terytaryjalnaha ŭładkavańnia Respubliki Biełaruś». Pa mierkavańni čynoŭnikaŭ, padčas prysvajeńnia novych nazvaŭ minskim vulicam nie była ŭličana dumka nasielnictva. U hetaj situacyi 26 listapada 2007 hoda kiraŭnictva TBM źviarnułasia da žycharoŭ stalicy z prapanovaj padtrymać rašeńnie Minskaha harsavieta pa haradskich taponimach i nakiravać adpaviednyja listy ŭ Minski harsaviet i Miniust.
Staršynia TBM vykazaŭ udziačnaść žycharam stalicy i deputatam Minskaha harsavieta za ich paśladoŭnuju pazicyju, dziakujučy jakoj u stalicy źjavilisia vulicy, nazvanyja imionami našych słavutych ziemlakoŭ.
