U Kalininhradskaj vobłaści nieviadomyja chulihany apahanili dom suśvietna viadomaha niamieckaha fiłosafa Imanuiła Kanta. Jak dakładvaje sajt «Novy Kalininhrad», vandały śpisali nadpisami ścieny ŭnutry i zvonku budynka, raźmieščanaha ŭ pasiołku Viesiałoŭka Čarniachoŭskaha rajona.
U pryvatnaści, na fasadzie doma jany pakinuli nadpis «Kant — łoch». Pa dadzienych miascovych žurnalistaŭ, budynak śpisali pry dapamozie bałončykaŭ z farbaj i inšych padručnych srodkaŭ.
Akramia hetaha, za 200 mietraŭ ad doma žurnalisty zaŭvažyli padpalenuju travu i vykazali aściarohu, što połymia moža achapić budynak, jaki źjaŭlajecca pomnikam kultury. Taki status jamu byŭ prysvojeny ŭ minułym hodzie, kali va ŭsim śviecie adznačali 290 hadoŭ z dnia naradžeńnia Kanta (12 lutaha) i 210 hadoŭ z dnia jaho śmierci (22 krasavika).
Tady vakoł budynka taksama razhareŭsia skandał. Presa paviedamiła, što dom vialikaha fiłosafa rassypajecca pa cahlinach i ŭ im pasialilisia bamžy. Paśla hetaha ŭłady Kalininhradskaj vobłaści vykupili dom u pryvatnaha ŭładalnika i vyrašyli pravieści ŭ im rekanstrukcyju i zrabić muziej, a vakoł stvaryć historyka-kulturny kompleks pad nazvaj «Kant-rezidencyja». Mierkavałasia, što jon budzie adkryty ŭžo ŭ hetym hodzie. Pry hetym hubiernatar Mikałaj Cukanaŭ zajaŭlaŭ, što «prablem ź finansavańniem» u budučaha muzieja nie budzie.
Uletku 2014 na sajcie ŭrada Kalininhradskaj vobłaści była vyviešana abjava ab pošuku nahladčyka dla budučaha muzieja. Niahledziačy na heta, domik Kanta da hetaha času nikim nie achoŭvajecca. Jak pieradaje karespandent «Novaha Kalininhrada», prykmiet adnaŭleńnia abo kansiervacyi abjekta nie vyjaŭlena. Pa słovach miascovych žycharoŭ, pieryjadyčna ŭ domiku vučonaha źbirajucca pjanyja kampanii. Žurnalisty śćviardžajuć, što z budynka źnikła častka ŭnutranaj azdoby. Sam dom pa-raniejšamu patrabuje surjoznaj rekanstrukcyi i pastupova rujnujecca.
Miž tym u doma Kanta ŭ Viesiałoŭcy bahataja historyja. Jon byŭ pabudavany prykładna ŭ druhoj pałovie ChICh — pačatku XX stahodździa na miescy razburanaha «Doma pastara» — Daniela Ernsta Anderša, u siamji jakoha Kant, pa dadzienych kantaviedaŭ, niekalki hadoŭ (z 1747 pa 1751) žyŭ, pracujučy nastaŭnikam.
U Kalininhradskaj vobłaści zastałosia ŭsiaho dva miescy, fizična źviazanyja ź vialikim myślarom — jaho mahiła ŭ Kalininhradzie i domik u Viesiałoŭcy. Pry hetym budynak u Viesiałoŭcy ŭnikalny jašče i tym, što heta adzinaje miesca, kudy za ŭsio žyćcio adjazdžaŭ z rodnaha Kionihśbierha vialiki fiłosaf.
Imanuił Kant (1724—1804) — niamiecki fiłosaf, rodapačynalnik niamieckaj kłasičnaj fiłasofii. Aŭtar šerahu fundamientalnych prac, takich jak «Krytyka čystaha rozumu», «Krytyka praktyčnaha rozumu», «Krytyka zdolnaści sudžeńnia». Akramia rabot pa fiłasofii, raspracavaŭ kasmahaničnuju hipotezu pachodžańnia Soniečnaj sistemy z hihanckaj pieršapačatkovaj hazavaj tumannaści. Aznačyŭ ideju hienieałahičnaj kłasifikacyi žyviolnaha śvietu, heta značyć raźmierkavańnia roznych kłasaŭ žyvioł pa paradku ich mahčymaha pachodžańnia. Sfarmavaŭ ideju naturalnaha pachodžańnia čałaviečych ras, abhruntavaŭ rolu prylivaŭ i adlivaŭ na našaj płaniecie
