Niamiecki hurt Van Canto pryjedzie ŭ Minsk u miežach turu ŭ padtrymku novaha albomu «Dawn of the Brave». Kvitki na kancert 26 krasavika ŭ kłubie Re:Public kaštujuć 400-500 tysiač rubloŭ.
Van Canto viadomyja tym, što vykonvajuć usie instrumientalnyja partyi za vyklučeńniem udarnych z dapamohaj tolki hołasu.
Muzyki viadomyja kaverami na pieśni Nightwish, Metallica, Black Sabbath i inšych mietał-lehiend. Jany brali ŭdzieł u zapisach Tarji Turunien, Blind Guardian i Grave Digger.
***
Hurt Van Canto byŭ zasnavany ŭ 2006 hodzie, z taho času vydaŭ piać poŭnafarmatnych albomaŭ. Svoj styl apisvaje jak A Capella Hero Metal. Akramia lid-vakalistaŭ Denisa Šunkie i Inhi Šarf u Van Canto śpiavabć tak zvanyja «raka-taka» i «dan-dan»-vakalisty, jakija imitujuć huki instrumientaŭ. Hurt razhladaje mahčymaść zamieny hołasam i ŭdarnych, ale nie znajšoŭ vakalista, jaki vytrymaŭ by dastatkova doŭhi vystup.
