Jak paviedamlaje aficyjny interniet‑sajt Ministerstva justycyi Biełarusi, na praciahu 2007 hoda ŭ Biełarusi było zarehistravana 100 hramadskich abjadnańniaŭ, u tym liku piać mižnarodnych, 15 respublikanskich, 12 abłasnych, 63 rajonnych i haradskich, piać inšych miascovych, a taksama dva sajuzy (asacyjacyi).
Pavodle infarmacyi pres‑słužby Miniusta, siarod ahulnaj kolkaści hramadskich ab\jadnańniaŭ bolš za ŭsio stvarajecca maładziožnych arhanizacyj, a taksama ab\jadnańniaŭ fizkulturna‑spartyŭnaj i dabračynnaj nakiravanaści. Tak, u Biełarusi zarehistravana 526 fizkulturna‑spartyŭnych, 348 dabračynnych, 309 aśvietnickich, kulturna‑zabaŭlalnych, vychavaŭčych, 156 maładziožnych (u tym liku dziciačych — 21), 143 hramadskija abjadnańni invalidaŭ vajny i pracy, vieteranaŭ, 106 navukova‑techničnych, 98 hramadskich abjadnańniaŭ nacyjanalnych mienšaściej, 70 hramadskich abjadnańniaŭ prychilnikaŭ achovy pryrody, pomnikaŭ historyi, kultury, 40 tvorčych, 36 žanočych i 423 inšyja hramadskija abjadnańni.
Pres‑słužba Miniusta taksama paviedamlaje, što pa stanie na 1 studzienia 2008 hoda ŭ Biełarusi dziejničaje 15 zarehistravanych palityčnych partyj, 36 prafsajuzaŭ, 64 fondy, u tym liku čatyry mižnarodnyja, try respublikanskija i 57 miascovych. Zarehistravana i pastaŭlena na ŭlik 1.114 arhstruktur palityčnych partyj (65 abłasnych, 425 rajonnych i haradskich, 624 piarvičnyja), 22.479 arhstruktur prafsajuzaŭ (108 abłasnych, 770 rajonnych i haradskich, 21.564 piarvičnych, 37 abjadnanych) i 14.513 arhstruktur inšych hramadskich abjadnańniaŭ (547 abłasnych, 4.121 rajonnaja i haradskaja, 9.845 inšych).
U 2007 hodzie taksama zarehistravany i pastaŭleny na ŭlik 52 novyja arhanizacyjnyja struktury palityčnych partyj, 453 novyja arhanizacyjnyja struktury prafsajuzaŭ, 2.839 novych arhanizacyjnych struktur inšych hramadskich abjadnańniaŭ, dzieviać fondaŭ — adzin mižnarodny i vosiem miascovych.