Fota: John Stanmeyer
Nacyjanalny statystyčny kamitet apublikavaŭ spravadaču «Biełaruś u ličbach — 2015». Niahledziačy na rost kolkaści abanientaŭ u 2014 hodzie, achop terytoryi i nasielnictva spaŭ u paraŭnańni z 2013 hodam.
U Biełarusi na kaniec 2014 hoda było kala 11 401 900 abanientaŭ sotavaj suviazi — pa 1,2 sim-karty na žychara krainy.
Kolkaść abanientaŭ uzrasła z 2013 hoda na 2,5%, na stolki ža ŭzrasła kolkaść abanientaŭ na 1000 čałaviek.
Pry hetym achop nasielnictva źmienšyŭsia na 0,1%, a achop terytoryi — na 0,8%.
Upieršyniu kolkaść abanientaŭ internetu pieravysiła kolkaść žycharoŭ Biełarusi — na 1000 žycharoŭ na kaniec 2014 hoda pryjšłosia 1022 abanienty.
Na kaniec 2014 hoda ŭ Biełarusi było kala 10 526 800 abanientaŭ usich vidaŭ pieradačy źviestak, ź ich biez vychadu ŭ internet — 836 tysiač. Siarod abanientaŭ 18% jurydyčnych asob.
Prapusknaja zdolnaść źniešnich kanałaŭ značna ŭzrasła za hod — z 480 Hbit/s u 2013-m da 783 Hbit/s u 2014-m.
