«Naša Niva» adšukała jašče adnaho biełarusa, jaki vajuje na baku sieparatystaŭ va Ukrainie. Radzivonu 22 hady. Jon pajechaŭ na ŭschod Ukrainy paśla armii: jašče padčas słužby tak vyrašyŭ.
Radzivon, fota z sacyjalnych sietak.
— Ja ŭ «ŁNR». Słužba — jak maje być, kormiać dobra. Voś tolki z vadoj prablemy. A tak usio norm.
«NN»: Daŭno tam?
— Krychu bolš za miesiac.
«NN»: U jakim bataljonie?
— Kazackaja nacyjanalnaja hvardyja Usievialikaha vojska Danskoha.
«NN»: Jakija ŭ ciabie abaviazki?
— Pakul adpačynak. Chutka ŭ nastupleńnie — ja kulamiotčyk.
Radzivon, fota z sacyjalnych sietak.
«NN»: U Biełarusi słužyŭ?
— Pad Minskam, pasiołak Dačny, za 5 km ad Hatava — pažarnaja kamanda na artskaładzie.
«NN»: Dembielnuŭsia daŭno?
— 5 studzienia.
«NN»: Pierad dembielem vyrašyŭ, što pajedzieš?
— Tak.
«NN»: Što padšturchnuła?
— Chaciełasia dapamahčy narodu Danbasa.
A nie viedaješ, što mnie budzie, kali ja viarnuŭsia ŭ Biełaruś?
«NN»: Mohuć pasadzić za najomnictva. Jość mahčymaść viarnucca, pakolki nie paśpieŭ pačać vajavać. Što budzieš rabić?
— Zastanusia.
Radzivon, fota z sacyjalnych sietak.
«NN»: Niechta ź siabroŭ ci tavaryšaŭ pa słužbie pajechaŭ z taboj?
— Ja adzin pajechaŭ. A ŭ siabroŭ svajo mierkavańnie.
«NN»: Jakoha vyniku čakaješ? Zarobiš hrošaj i vierniešsia ci vajna da pieramohi/ parazy?
— Vajna da pieramohi.
«NN»: Nie baišsia, što mohuć i zabić?
— Nie, u mianie dla siabie hranata ŭ kišeni.
Hladzicie taksama: «Niama biełarusaŭ, usie my ruskija»