Adziny krymskatatarski telekanał ATR byŭ začynieny 1 krasavika, bo rasijskija ŭłady nie dali jamu licenziju na viaščańnie.
«Pryčynaj» admovy ŭ licenzii štoraz byli farmalnyja parušeńni ŭ składzienych zajavach — niepravilnyja farmuloŭki, znaki prypynku i h.d.
Telekanał ATR pracavaŭ z 2006 hoda na krymskatatarskaj, ukrainskaj i rasijskaj movach. Akramia jaho ŭ adnaimienny chołdynh uvachodzili dziciačy kanał Lale i radyjostancyi Lidar i Meydan.
Krymskatatarskaja supolnaść admoŭna pastaviłasia da rasijskaj akupacyi Kryma ŭ 2014 hodzie, i kanał namahaŭsia abjektyŭna adlustroŭvać padziei va Ukrainie i na paŭvyśpie.
«Tym, chto paśla śmierci tyrana nie atrymaŭ prava viarnucca damoŭ i padymaŭ na nahi svaich dziaciej na čužoj ziamli… im było ciažej, čym nam zaraz. Niaŭžo my, pamiatajučy pra heta, budziem u depresii, i niechta navat pačnie dumać pra toje, kab pakinuć Krym? Toj, chto zabivaje ATR, Lale i Meydan, vidać, mienavita na heta i raźličvaje», - skazała viadučaja kanała ŭ apošnija chviliny jahonaha isnavańnia.
«Darma. Naš narod pieražyŭ Stalina, niaŭžo nie pieražyvie sučasnyja prablemy?…
My idziem napierad. I napieradzie cełaja budučynia i šmat radačnych sustreč. Tak, siońnia my zakančvajem svajo viaščańnie, ale my viedajem, što vierniemsia. My zaŭsiody viartajemsia», - dadała jana na zakančeńnie.
