Bolšaść łotaŭ — heta paštoŭki i vinšavańni ad viadomych piśmieńnikaŭ, artystaŭ i partyjnych dziejačaŭ: Šamiakina, Mašerava, Surhanava, Makaravaj i h.d.
Na biełaruskim internet-aŭkcyjonie ay.by u prodaž vystaŭlenyja pryvatnaja pierapiska palityčnaha dziejača Zachodniaj Biełarusi i BSSR Siarhieja Prytyckaha. Listavańnie adnosicca da apošnich hadoŭ žyćcia Prytyckaha, kali jon zajmaŭ adkaznyja pasady ŭ Miensku. U 1962—1965 jon pracavaŭ staršynioj Kamiteta partyjna-dziaržaŭnaha kantrolu CK KPB i Savieta Ministraŭ BSSR. U 1962—1968 sakratarom CK KPB, namieśnikam staršyni Savieta Ministraŭ BSSR. Z 22 studzienia 1968 i da śmierci, 13 červienia 1971, jon pryznačany Staršynioju Prezidyuma Viarchoŭnaha Savieta BSSR. Taksama ŭ hety čas jon zajmaŭ pasadu namieśnika staršyni Prezidyuma Viarchoŭnaha Savieta SSSR (1968—1971).
Kožny łot pradajecca asobna, u nazvach łotaŭ amal nidzie niama zhadki na Prytyckaha, tamu, mahčyma, zaŭvažana i nie ŭsio. Košty na takija paštoŭki – nie tannyja.
Zaprašeńnie na vystavu «50 hod Narodnaj haspadarcy BSSR», jakaja adbyvałasia 27.12.1968 hoda – 12 dalaraŭ.
Vinšavańnie Siarhieja Prytyckaha i siamji «Słava vialikamu kastryčniku» z podpisam Mašerava – 50 dalaraŭ
Vinšavańnie Siarhieju Prytyckamu i žoncy z 1 Maja, padpisanaja Mašeravami – 50 dalaraŭ
Vinšavańnie Prytyckamu z 52-j hadavinaj Kastryčnika ad Ivana Šamiakina, pa biełarusku – 25 dalaraŭ
Vinšavańnie Prytyckaha z 52-j hadavinaj Kastryčnika ad dvojčy hieroja SSSR, maršała I. Jakuboŭskaha – 50 dalaraŭ
Vinšavańnie ad siamji Surhanavych z novym 1966 hodam – 40 dalaraŭ. Aŭtohraf Fiodara Surhanava – staršyni Viarchoŭnaha Savieta BSSR 1971—1976 hh.
Vinšavańnie Taćcianie Prytyckaj z 8 Sakavika ad Staršyni VS BSSR Vasila Kazłova – 50 dalaraŭ
Vinšavańnie z 1 Maja (1967) ad siamji Stanisłava Piłatoviča, budučaha namieśnika Staršyni Savieta Ministraŭ BSSR (1978—1981), a na toj čas sakratara CK KP Biełarusi – 30 dalaraŭ
List ad kampazitara Isakoŭskaha (aŭtar viadomaj «Kaciušy»)– Mašeravu, Prytyckamu, Kisialovu – 100 dialaraŭ
Vinšavańnie z 52-j hadavinaj Kastryčckaj revalucyi ad hałoŭnaha redaktara «Praŭdy» Michaiła Zimianina (paśla — Sakratar CK KPSS) – 12 dalaraŭ
Paštoŭka da 25 hadaviny vyzvaleńnia Minska (1969 hod) ad piśmieńnika Hienadzia Kisialova – 30 dalaraŭ
Vinšavańnie z 25-mi ŭhodkami vyzvaleńnia Biełarusi, ad aktrysy Haliny Makaravaj – 30 dalaraŭ
Zaprašeńnie 1965 hoda na hanarovaje ŭznaharodžańnie Bresckaj krepaści zorkaj Hieroja SSSR – 15 dalaraŭ
