Adkazvajučy na pytańnie «Źviazdy», kiraŭnik MUS zajaviŭ, što pakul jašče rana rabić vysnovy ab kolkasci zabitych. Pavodle jaho słoŭ, byli vypadki, kali padazronyja paviedamlali peŭnyja źviestki, ale jany nie paćviardžalisia. «Patrebny čas, kab rasśledavać hetuju spravu, i ja ŭstrymajusia ad paśpiešlivych vysnoŭ»,— zajaviŭ Uładzimir Navumaŭ. Ministr adznačyŭ, što sam vyjazdžaŭ u Drahičyn, pravodziŭ tam naradu z padnačalenymi, i ŭvohule trymaje chod rasśledavańnia pad asabistym kantrolem.
Nahadaju, što fakty zabojstvaŭ sastarełych ludziej byli vyjaŭleny ŭ Drahičynskim rajonie na pačatku hetaha hoda. Byli zatrymany dvoje hramadzian Ukrainy, jakija padazrajucca ŭ tym, što zadušyli dźviuch babulek, kab avałodać ich hrašyma i praduktami charčavańnia. Padčas śledstva vyśvietliłasia, achviarami hetych dušahubaŭ u Drahičynskim rajonie stali jašče niekalki piensijanieraŭ…
