1996
2014
Astranomy ŭžo 18 hod nazirajuć praz radyjoteleskopy za naradžeńniem W75N(B)-VLA2 u suzorji Lebiedzia, raspaviadaje Geektimes.
U 1996 hodzie astranomy nazirali nievialičkuju vobłaść ianizavanaha vietru, što vykinuła protazorka. Novyja zdymki pakazvajuć defarmacyju ianizavanaha rečyva.
Protazorka W75N(B)-VLA2 maje ŭzrost usiaho ŭ paru tysiač hod, jana ciažej za Sonca ŭ dva razy.
Nazirańni za naradžeńniem zorki adbyvajucca praktyčna ŭ realnym časie — z papraŭkaj na adlehłaść u 4200 śvietłavych hod.
Na samoj spravie padčas taho, što nazirajuć navukoŭcy, u Staražytnym Jehipcie faraonam staŭ Chieci I. Jon raspačaŭ IX dynastyju i abjadnaŭ pad svajoj uładaj uvieś Jehipiet, dy ŭčyniŭ bahata zła ŭsim jehipcianam, byŭ achopleny varjactvam i zabity krakadziłam (kali vieryć historyku i žracu Mafieonu).
W75N(B)-VLA2 budzie kančatkova sfarmavanaja tolki praz sotni tysiač hod. Astranomy buduć nadalej nazirać za protazorkaj, kab atrymać infarmacyju, što dapamoža zrazumieć miechanizmy nie tolki farmavańnia zorak, ale i ŭsiaho śvietu.
