Pieramohaj staličnaha kłuba «Cmoki-Minsk» zaviaršyŭsia žanočy čempijanat Biełarusi pa baskietbole.
Kamanda Andreja Vaŭleva ŭ minułym siezonie ŭpieršyniu ŭ svajoj historyi zavajavała čempijonskaje zvańnie i zaraz znoŭ paŭtaryła pośpiech. U finalnaj sieryi da troch pieramoh «Cmoki-Minsk» vyjhrali ŭ inšaha minskaha kłuba — «Haryzont».
Vyrašalny piaty matč sieryi byŭ zhulany ŭ Minsku 8 krasavika i prynios pośpiech «Cmokam-Minsk» — 55:46 (18:11, 9:15, 16:11, 12:9).
Pieršy i treci matčy sieryi ź likam 55:53 i 60:55 vyjhrali «Cmoki-Minsk», druhi i čaćviorty — «Haryzont» (67:55 i 71:68).
U minułym siezonie ŭ finale taksama hulali «Haryzont» i «Cmoki-Minsk». Bronzavyja miedali čempijanatu dastalisia hrodzienskaj «Alimpii», jakaja ŭ sieryi za treciaje miesca ź likam 3:0 (68:41, 71:52, 64:61) abyhrała bresckuju kamandu «BrDU CAR Viktoryja».
