Adzin z samych rezultatyŭnych hulcoŭ u historyi futboła — 54-hadovy arhientyniec Dyjeha Maradona — rezka raskrytykavaŭ piataje vyłučeńnie 79-hadovym Jozefam Błateram svajoj kandydatury na pasadu prezidenta FIFA.
Maradona adkrytym tekstam abvinavaciŭ Błatera ŭ karumpavanaści i dadaŭ: «Hety čałaviek vałodaje nieabmiežavanaj uładaj, choć ni razu ŭ žyćci nie biŭ pa miačy».
Na dumku futbalista, realnyja šancy pieramahčy Błatera ŭ baraćbie za pasadu jość tolki ŭ ijardanskaha prynca Ali bin Chusejna.
Akramia Błatera i Chusejna, aficyjnymi kandydatami taksama źjaŭlajucca kiraŭnik Karaleŭskaha futbolnaha sajuza Niderłandaŭ Michael van Prazie i były futbalist «Reała» i «Barsiełony» Łuiš Fihu.
«Ja hatovy pajści i skazać Błateru: sychodź, ty i tak dastatkova naškodziŭ», — skazaŭ Maradona.
Vybary novaha prezidenta FIFA projduć 29 maja. Šviejcarac kiruje arhanizacyjaj z 1998 hoda.