Trahiedyja adbyłasia ranicaj u Vialikuju Subotu kala vioski Pietrašy Vołasaŭskaha sielsavieta, paviedamlaje sajt «Vitiebskij kuŕjer». 40-hadovy inśpiektar Hienadź Raŭkoŭ u lasnym huščary zdahnaŭ uzbrojenaha palaŭničaj strelbaj hramadzianina H. Laśnik patelefanavaŭ u inśpiekcyju, dałažyŭ ab zatrymańni padazravanaha i paśpieŭ pa sotavym telefonie nazvać proźvišča parušalnika. Paśla hetaha ŭ słuchaŭcy pačuŭsia streł. Kula trapiła ŭ žyvot, laśnik pamior na miescy.
Padazravany byŭ pa haračych śladach zatrymany śledča-apieratyŭnaj hrupaj Tałačynskaha RAUS u chacie svajho baćki. Zaviedzienaja kryminalnaja sprava..
U leśnika zastałosia dvoje dziaciej-sirot.
Pra padazravanaha ŭ ździajśnieńni złačynstva viadoma, što ŭ minułym jon słužyŭ u orhanach MUS. Raniej byŭ sudzimy za kradziež i sprobu padpału haraža jehiera palaŭničaj haspadarki.
