Izrail moža pačać pradavać zbroju Ukrainie i Hruzii ŭ adkaz na pastaŭki rasijskich zienitna-rakietnych kompleksaŭ S-300 Iranu, paviedamiŭ u aŭtorak vajenny ahladalnik Amir Rapaport sa spasyłkaj na ananimnyja vajennyja krynicy, piša izrailski partał navin newsru.co.il.
Izrailski vajenny bieśpiłotnik Machatz-1.
Aficyjnyja pradstaŭniki Izraila nie kamientujuć infarmacyju Rapaporta.
U paniadziełak, 13 krasavika, prezident Rasii Uładzimir Pucin admianiŭ zabaronu na pastaŭki Iranu S-300. Zabarona była ŭviedzienaja ŭ 2010 hodzie prezidentam Dźmitryjem Miadviedzievym u suviazi z tym, što AAN uviała sankcyi suprać Iranu, jaki padazrajecca ŭ raspracoŭcy atamnaj zbroi.
Izrail i ZŠA, jakija razhladajuć avijaŭdar pa iranskich jadziernych abjektach u jakaści apošniaj miery dla taho, kab nie dać isłamisckamu režymu atrymać zbroju masavaha źniščeńnia, vykazalisia rezka suprać pastavak sučasnych rasijskich zienitnych sistem Irana.
S-300 źjaŭlajecca ZRK siaredniaj dalnaści (da 100 km) i była pastaŭlenaja na ŭzbrajeńnie savieckaj armii ŭ 1979 hodzie.
Izrailskaja avijacyja — samaja mahutnaja na Bližnim Uschodzie i źjaŭlajecca adnoj z hałoŭnych siłaŭ, jakija zachoŭvajuć Izrail ad źniščeńnia.
Pavyšeńnie zienitnych mahčymaściaŭ Irana ci inšych rezka antyizrailskich režymaŭ mahło pryvieści da ciažkich strataŭ avijacyi Izraila ŭ vypadku novaha patencyjnaha kanfliktu ŭ rehijonie.
U śniežni 2014 hodu ŚMI paviedamili, što izrailskija samaloty bambili schoviščy z rakietnymi kompleksami S-300 u Siryi.
