Mižnarodnaja asacyjacyja prafiesijanałaŭ u halinie aŭtsorsinhu (IAOP) apublikavała čarhovy štohadovy top-100 aŭtsorsinhavych IT-kampanij.
Z samaha pieršaha rejtynhu IAOP, składzienaha ŭ 2006 hodzie, u top-100 prysutničała kampanija EPAM. U 2015 hodzie jaje ŭpieršyniu niama ŭ śpisie.
U sotniu trapili čatyry biełaruskija IT-kampanii — IBA Group, Intetics, Itransition i Oxagile.
Pryčyny źniknieńnia EPAM z top-100 nieviadomyja. Tolki miesiac tamu 6,6% akcyj EPAM nabyŭ bujny inviestar JP Morgan, adna z najstarejšych amierykanskich inviestycyjnych kampanij z aktyvami na 2,4 trłn dalaraŭ.
U adroźnieńnie ad papiarednich hadoŭ, kampanii ŭ top-100 raźmierkavanyja nie pa miescach, a ŭ ałfavitnym paradku. Pry składańni top-100 IAOP vystaŭlaje kampanijam adznaki pa klučavych kryterach: jakaść pasłuh, pamier, rost, inavacyi, karparatyŭnaja adkaznaść. Vyrašeńni prymaje ekśpiertnaja kamisija IAOP.
IAOP jadnaje 120 tysiač klijentaŭ, pastaŭščykoŭ i kansultantaŭ u halinie IT-aŭtsorsinhu — raspracoŭcy, padtrymcy i absłuhoŭvańni prahramnaha zabieśpiačeńnia pa zamovie bakovaj arhanizacyi.
