Hienieralny mieniedžar «Sibiry» Kirył Fastoŭski zajaviŭ u intervju vydańniu «R-Sport», što nastaŭniku kłuba biełarusu Andreju Skabiełku palepšyli ŭmovy kantraktu za vydatny minuły siezon.
«My jahony kantrakt užo abnavili. Źmianili ŭmovy zarobku ŭ jakaści zaachvočvańnia jahonaj vydatnaj pracy ŭ siezonie. Tym samym my pakazali, što ŭmiejem šanavać svaich ludziej i chočam pracavać ź im dalej.
U hetym žyćci ŭsio źmianiajecca, i treniery pavinny viedać, što ich možna nie tolki zvolnić u kožny momant, ale i zaachvocić, kali jany pakazvajuć stanoŭčy vynik. Ciapier pahladzim, jak pačniecca nastupny siezon, i, napeŭna, prapanujem Skabiełku pa chodu čempijanatu novy kantrakt, ale ciapier nie vielmi zručna heta rabić», — zajaviŭ Fastoŭski.
Andrej Skabiełka źjaŭlajecca hałoŭnym trenieram chakiejnaha kłuba «Sibir» z 2014 hoda.
