Rasija moža źnizić pastaŭki nafty ŭ Biełaruś u suviazi z skaračeńniem pastavak u RF biełaruskaha bienzinu. Pra heta paviedamili TASS u Minenierha RF.
Ministerstva enierhietyki Rasii razhledzić mahčymaść skaračeńnia pastavak nafty ŭ červieni, rastłumačyli ŭ Minenierha.
«Rasijski bok maje prava źnizić u zapłanavanym kvartale abjomy naftavaj syraviny, jakaja pastaŭlajecca ŭ Respubliku Biełaruś trubapravodnym transpartam u vypadku niedapastaŭki bienzinu aŭtamabilnaha na vieličyniu, jakaja pieravyšaje 10% ad uzhodnienaha hrafiku pastavak. Užyvańnie rasijskim bokam takoha prava budzie razhledžana ŭ červieni 2015 pry farmiravańni hrafiku transparciroŭki nafty pa mahistralnych trubapravodach za miežy RF na trecim kvartał 2015 pa vynikach vykanańnia Respublikaj Biełaruś uzhodnienaha hrafiku pastavak bienzinu aŭtamabilnaha u Rasijskuju Fiederacyju», — paviedamili ŭ Minenierha.
Pry hetym Minenierha adznačaje, što, zhodna z zaćvierdžanym bałansam RF pa asnoŭnych vidach naftapraduktaŭ, u 2015 hodzie abjom vytvorčaści aŭtamabilnaha bienzinu ekałahičnych kłasaŭ 4 i 5 składzie 36,8 młn ton pry abjomie spažyvańnia 36 młn ton, što dazvalaje prahnazavać stabilnuju situacyju na ŭnutranym rynku Rasii navat u adsutnaści pastavak biełaruskaha aŭtamabilnaha bienzinu.
Biełaruś znoŭ časova spyniła pastaŭki naftapraduktaŭ na rasijski rynak u suviazi ź niespryjalnaj kanjunkturaj cenaŭ.
