Za papraŭki da Zakona ab kantroli nad tytuniom hałasavali 75 členaŭ Siejma Litvy, suprać nichto nie prahałasavaŭ, ustrymalisia šeść parłamientaryjaŭ.
Pavodle słovaŭ inicyjataraŭ prapanovy, prablema kureńnia, asabliva siarod niepaŭnaletnich, raście.
Aŭtary papravak da zakona spadziajucca, što zabarona kuryć i mieć pry sabie tytuniovyja vyraby ŭ dačynieńni da niepaŭnaletnich umacuje previentyŭnyja miery, źnizić maštaby kureńnia siarod asob da 18 hadoŭ.
U kodeksie śćviardžajecca, što za kureńnie tytuniovych vyrabaŭ abo padobnych vyrabaŭ (elektronnych cyharet), ci za zachoŭvańnie takich vyrabaŭ praduhledžany štraf ad 14 da 28 jeŭra z kanfiskacyjaj tytuniovych abo padobnych vyrabaŭ.
Štraf za parušeńnie, ździejśnienaje asobami małodšymi za 16 hadoŭ, budzie pryznačany baćkam abo apiekunam. Za paŭtornyja parušeńni štraf składzie ad 28 da 86 jeŭra z kanfiskacyjaj tytuniovych vyrabaŭ.
Da hetaha času ŭ Zakonie ab kantroli nad tytuniom była zaćvierdžana tolki zabarona na prodaž tytuniovych vyrabaŭ asobam da 18 hadoŭ, kuplu abo pieradaču im tytuniovych vyrabaŭ, ale nie byŭ vyznačany ŭzrost, ź jakoha čałaviek moža kuryć i mieć pry sabie tytuniovyja vyraby.
