U Biełarusi z 1 maja buduć pieraraźličany pamiery pavyšeńniaŭ, nadbavak i dapłat da piensij u suviazi sa źmianieńniem biudžetu pražytačnaha minimumu ŭ siarednim na dušu nasielnictva (BPM).
Ab hetym paviedamiła ministr pracy i sacyjalnaj abarony Marjana Ščotkina na anłajn-kanfierencyi, što prachodzić na sajtach BiełTA i Minpracy i sacabarony.
Adkazvajučy na pytańnie ab tym, ci čakajecca ŭ mai čarhovaje pavyšeńnie piensij, Marjana Ščotkina prainfarmavała:
«Na pieryjad z 1 maja pa 31 lipienia budzie ŭstanoŭlena novaja vieličynia biudžetu pražytačnaha minimumu ŭ siarednim na dušu nasielnictva. Zychodziačy z hetaj vieličyni z 1 maja buduć pieraraźličany pamiery pavyšeńniaŭ, nadbavak i dapłat, što vypłačvajucca da piensij. Adnačasova z hetaj daty buduć pieraraźličany sacyjalnyja i minimalnyja pracoŭnyja piensii, pamiery jakich taksama vyličvajucca zychodziačy ź vieličyni biudžetu pražytačnaha minimumu».