Budoŭla na chutary Šabli, fota Uładzimira Šablinskaha
Hetym letam na chutary Šabli nie projduć bitłoŭski fest, «Volnaje pavietra» ci «Družba» — chutar budzie navat zakryty dla arendy.
Jak raspavioŭ haspadar chutara Uładzimir Šablinski, Šabli znoŭ prymuć haściej u nastupnym hodzie.
«Z chutaram usio dobra, — kaža Šablinski. — Pryčyna zakryćcia — budoŭla doma. Nadyšoŭ čas hetym spakojna zaniacca. Kanfliktaŭ z pabočnymi arhanizacyjami nijakich».
Pa słovach Šablinskaha, jaho kancertnaje ahienctva maje płany na letnija festy, nie źviazanyja z chutaram, u ich liku Mižnarodny fiestyval fiejervierkaŭ «Navalnica».
Chutar Šabli ŭ Vałožynskim rajonie časta vystupaŭ ŭ jakaści kancertnaj placoŭki i miesca praviadzieńnia muzyčnych festaŭ, byŭ adznačany miascovym vykankamam za raźvićcio turyzmu. U 2013 hodzie značna paciarpieŭ ad pažaru. Novy dom budzie zbudavany na miescy zharełaha.
