27 žniŭnia 2014 hoda ŭ vyniku praviadzieńnia supracoŭnikami Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS apieratyŭna-vyšukovych mierapryjemstvaŭ, pry atrymańni 40 miljonaŭ rubloŭ była zatrymanaja žančyna, jakaja pradstaŭlałasia supracoŭnicaj Fondu sacyjalnaj abarony nasielnictva i prapanoŭvała ludziam, jakija majuć patrebu ŭ žytle, pabudavać kvatery za 10 pracentaŭ ad ich koštu.
U chodzie śledstva ŭstanoŭlena, što žycharka Viciebska na praciahu piaci hadoŭ pradstaŭlałasia słužbovaj asobaj, u čyju kampietencyju nibyta ŭvachodzić razhlad pytańniaŭ ab vydzialeńni kvater. Jana prapanoŭvała sadziejničańnie ŭ budaŭnictvie žylla na vyhadnych umovach, vykanańni ŭ kvaterach azdobnych prac i afarmleńni nieabchodnych dakumientaŭ. Adnačasova, asobnym paciarpiełym prapanoŭvała ŭjaŭnuju dapamohu, jakaja zaklučajecca ŭ pieradačy hrašovych srodkaŭ u jakaści chabaru słužbovym asobam, u čyju kampietencyju ŭvachodzić razhlad pytańniaŭ ab vydzialeńni pakojaŭ u internatach abłasnoha centra.
Za uziatyja na siabie abaviazacielstvy, jakija zahadzia nie mieła namier vykonvać, abvinavačanaja brała ŭ paciarpiełych hrašovyja srodki. Sumy varjiravalisia ad 4 da 170 miljonaŭ rubloŭ. Ahulnaja škoda, pryčynienaja złačynnaj dziejnaściu, skłała bolš za 1 miljard rubloŭ, paviedamlaje aficyjny pradstaŭnik USK pa Viciebskaj vobłaści Ina Harbačova.
Na dadzieny momant papiaredniaje śledstva zavieršana. Pa kryminalnaj spravie praviedzieny ŭvieś kompleks nieabchodnych śledčych dziejańniaŭ: dapytanyja šmatlikija śviedki, paciarpiełyja, praviedzieny pieratrusy i vočnyja staŭki. Akramia taho na majomaść abvinavačvanaj na sumu bolš za 1,3 miljarda rubloŭ nakładzieny aryšt.
Dziejańni abvinavačvanaj kančatkova kvalifikavanyja śledstvam pa prykmietach składaŭ złačynstvaŭ, praduhledžanych č.1 art.14 č.4 art.209 (zamach na machlarstva, ździejśnienaje paŭtorna ŭ asabliva bujnym pamiery), č.5 art.16 č.2 art.431 (padbuchtorvańnie da dačy chabaru, ździejśnienaje paŭtorna ŭ bujnym pamiery) KK.
U chodzie śledstva asobnaja ŭvaha nadavałasia vyvučeńniu asoby abvinavačanaj. Žančyna raniej była nieadnarazova sudzimaja za ździajśnieńnie anałahičnych złačynstvaŭ, lohka ŭvachodziła ŭ davier da hramadzian i schilała da siabie paciarpiełych. Ad złačynnych dziejańniaŭ abvinavačvanaj paciarpieli bolš za 30 čałaviek, jakija majuć rozny sacyjalny status i ŭzrost.
Z momantu zatrymańnia pa ciapierašni čas piensijanierka ŭtrymlivajecca pad vartaj. Kryminalnaja sprava nakiravanaja ŭ sud.
