 Viktar Marachin |
Pra biudžet
Pa vynikach pieršaha miesiaca hodu biudžet vykonvajecca ŭ ramkach prahnoznych pakazčykaŭ, zapeŭniŭ narodny abrańnik.
Adkazvajučy na pytańnie, ci adnosiacca da krynicaŭ farmavańnia biudžetu srodki ad prodažu dziaržaŭnaj majomaści, deputat adkazaŭ stanoŭča i dadaŭ, što minuły hod u hetym sensie byŭ niaŭdałym. Na dadatkovaje pytańnie, ci nie maje jon na ŭvazie prodaž Velcom'u, adkazaŭ tak:
«Pa šerahu pradadzienych abjektaŭ my atrymali mienš, čym planavali».
Admiena ilhotaŭ pryniesła ŭ biudžet dadatkovyja 400 miljardaŭ rubloŭ.
Nakont kampensacyi ŭkładaŭ deputat vykazaŭsia nastupnym čynam: sioletni biudžet hetaha sapraŭdy nie praduhledžvaje, ale parlament vierniecca da pytańnia ŭ chutkim časie.
AES u kredyt
Sp. Marachin zapeŭniŭ žurnalistaŭ, što za prava budavać AES u Biełarusi, najvierahodniej, buduć zmahacca Francyja i Rasieja, choć i nie vyklučajecca mahčymaść udziełu Niamieččyny. Rasieja i Francyja zajavili, što hatovyja vyłučyć nam kredyty na budoŭlu, paviedamiŭ deputat.
«Ad Rasiei my atrymali paŭtara miljarda kredytu i jany nam hatovyja jašče dva vyłučyć — voś vam i hrošy na stancyju. Uvohule, my hatovyja samastojna zbudavać taki stratehičny abjekt. Raniej takim abjektam była Nacyjanalnaja biblijateka, ciapier stancyja» — skazaŭ jon.
«Investary stajać u čarzie»
«Ci nie baiciesia, što rasiejski kapitał nas voźmie pad kantrol?» — było pytańnie sp. Marachinu. Jon adkazaŭ, što, pa‑pieršaje, biełaruskaje zakanadaŭstva nia daść rasiejcam naviazać nam svaje praviły dy zvyčki — zachop pradpryjemstvaŭ i dzikunskuju pryvatyzacyju, a pa‑druhoje — «u nas investary ŭ čarzie stajać i nam zastajecca tolki vybirać lepšych». Pa jaho słovach, užo padrychtavany śpis abjektaŭ dziaržmajomaści, hatovych da prodažu.
«I heta darahija pradpryjemstvy» — adznačyŭ čynoŭnik. Pry hetym jon admoviŭsia nazvać ich pajmienna, spasłaŭšysia, što śpis pakul znachodzicca na zaćviardžeńni i tolki paśla budzie apublikavany.
Padatki
Zadačaj zakanadaŭcaŭ u hetaj sfery jość spraščeńnie padatkovaj systemy i padatkovaha ciažaru. Deputat paradavaŭ infarmacyjaj pra admienu 14 padatkaŭ i płaciažoŭ. Fizyčnyja asoby mohuć uzdychnuć z palohkaj — padatak na zarobak ad dadatkovaj pracy budzie vyličvacca aŭtamatyčna z dadatkovaha zarobku, što admianiaje patrebu źviartacca ŭ padatkovuju inspekcyju. Aŭtaamatary taksama atrymali padarunak: deputaty nie zadavolili prośbu Ministerstva transpartu ŭkłaści straty ad admieny darožnaha padatku ŭ košt benzinu.
Turyzm u nas kvitnieje
Deputat parlamentu ŭpeŭnieny, što ŭsie srodki, što vyłučajucca na raźvićcio turyzmu, zasvojvajucca. U prykład pryvioŭ rekanstrukcyju zamku i pałacu ŭ Miry i Niaśvižy. Akramia taho, zaznačyŭ Viktar Ivanavič, u nas vielmi šmat historyka‑kulturnych abjektaŭ u hłybincy, pra jakija kłapocicca dziaržava. Adzin ź ich asabliva ŭraziŭ jaho ŭ časie letašniaha parlamenckaha turu pa Biełarusi:
«Zajechali my ŭ adnu viosku, a tam vielmi pryhožy kaścioł. Nas sustreŭ ksiondz. Vakoł kaściołu ŭsio nahadvaje Francyju — pryhožyja hazony, kusty».
