Jak stała viadoma spring96.org, pozna ŭviečary 7 maja da adnaho z fanataŭ minskaha FK «Dynama» z vobšukam pryjšli supracoŭniki milicyi.
Pra heta paśpieŭ paviedamić spring96.org sam zatrymany — Juryj Biełavusaŭ. Supracoŭniki milicyi pry vobšuku zabrali piersanalny kampjutar i płanšet Juryja, a samaho jaho advieźli ŭ Frunzienski RUUS. Vierahodna, siońnia adbudziecca sudovaje raźbiralnictva. Z čym źviazana zatrymańnie – nieviadoma.
Taksama Ju. Biełausaŭ raspavioŭ, što da hetaha byli zatrymanyja i pakaranyja administracyjnym aryštam try fanaty FK «Dynama-Minsk». Usie aryšty fanaty ličać previentyŭnymi pierad śviatam Pieramohi, jaki ciapier buduć sustrakać u Centry izalacyi pravaparušalnikaŭ.
Adnak u HUUS Minharvykankama nie paćviardžajuć zatrymańnia fanataŭ FK «Dynama» (Minsk).
«Nie paćviardžajem infarmacyju ab tym, što niechta zatrymany», — zajaviŭ BiełaPAN pres-sakratar staličnaj milicyi Alaksandr Łastoŭski.
