Arhkamitet pa stvareńni partyi «Biełaruskaja chryścijanskaja demakratyja» prapanoŭvaje ŭładam pryniać zakon ab dzieciach vajny, paviedamlaje pres-słužba arhanizacyi.
Na dumku BCHD, zakon pavinien praduhledzieć dla hetaj katehoryi asob takija lhoty, jak atrymańnie štomiesiačnaj hrašovaj vypłaty, lhotny prajezd usimi vidami haradskoha transpartu, čyhunačnym i vodnym transpartam pryharadnych znosinaŭ i aŭtobusami pryharadnych maršrutaŭ u miežach vobłaści pa miescy žycharstva, lhoty pa apłacie lekaŭ, biaspłatnaje zubapratezavańnie i inšyja.
Prapanujecca taksama na hod admovicca ad pampieznych śviatkavańniaŭ, paradaŭ, a sekanomlenyja biudžetnyja hrošy pieradać na padtrymku vieteranaŭ i dziaciej vajny.
«Heta nieabchodna zrabić nie stolki dla materyjalnaj padtrymki, kolki dla ŭšanavańnia i pavažańnia tych, čyjo žyćcio było złamanaje vajnoj, chto ros i adnaŭlaŭ Biełaruś u biadotnych, amal kataržnych umovach, — skazaŭ sustaršynia arhkamiteta Vital Rymašeŭski. — Biez ušanavańnia minułych pakaleńniaŭ niemahčymaje budaŭnictva tryvałaj budučyni».
«Nastaŭ čas, kali na dziaržaŭnym uzroŭni varta pakłapacicca nie tolki pra byłych frantavikoŭ, ale i dziaciej vajennych hadoŭ, — zaznačyła kiraŭnik minskaj haradskoj arhanizacyi arhkamiteta Volha Kavalkova. — U hetych ludziej vajna zabrała dziacinstva, jany adnaŭlali krainu, padmianiajučy svaich baćkoŭ kala stankoŭ, mnohija ź jakich siońnia žyvuć u biednaści. Ich uniosak dahetul nie apłačany. U śniežni 2014 hoda Łukašenka skazaŭ, što dzieci i staryja — heta hałoŭny kłopat dziaržavy. Pry hetym treba pamiatać, što mienavita ŭłady ŭ 2007 hodzie admianili 50-pracentnuju lhotu pa apłacie lekaŭ dla ludziej, jakija dasiahnuli 70-hadovaha ŭzrostu, a taksama inšyja lhoty dla piensijanieraŭ».
