Pasły Narviehii i Filipin, a taksama žonki pasłoŭ Małajzii i Indaniezii ŭ Pakistanie zahinuli siońnia ŭ vyniku krušeńnia vajennaha viertalota ŭ rajonie Hiłhit-Bałtystan na paŭnočnym uschodzie krainy. Jak paviedamlaje miascovaje telebačańnie, usiaho ŭ katastrofie zahinuli 6 čałaviek, uklučajučy dvuch piłotaŭ.
Pavodle isnujučaj infarmacyi, surjoznyja traŭmy atrymali taksama pasły Polščy i Rumynii, jakija znachodzilisia ŭ viertalocie.
Mašyna, što raźbiłasia, zrabiła žorstkuju pasadku na budynak škoły ŭ dalinie Nałtar. Na borcie viertalota znachodzilisia 6 pakistancaŭ i 11 zamiežnych hramadzian. U vyniku adbyłosia ŭzharańnie avijacyjnaj hazy. Adzin sa śviedkaŭ zdareńnia paviedamiŭ, što škoła, na jakuju zrabiŭ žorstkuju pasadku viertalot, zaharełasia. Pavodle jaho słoŭ, u joj znachodzilisia dzieci. Raniej paviedamlałasia, što škoła była začyniena.
Hrupa z troch viertalotaŭ Mi-17 z dypłamatami i žurnalistami rabiła ablot hetaj terytoryi dla pravierki biaśpieki napiaredadni vizitu premjer-ministra Pakistana Navaza Šaryfa.
