 |
MNS zabaraniła prymać ŭ haradzienskim ofisie AHP bolš za 15 čałaviek. U hetym pamiaškańni ładzilisia aproč partyjnych mierapryjemstvaŭ kancerty i kulturnickija imprezy.
Kiraŭnik Haradzienskaj abłasnoj arhanizacyi AHP zajaviŭ, što va ŭpravie MNS jamu ŭručyli pastanovu «pra prypynieńnie (zabaronu) pracy arhanizacyi». Pastanovaj zahadana spynić «praviadzieńnie na ofisie AHP pa adrasie Horadnia, vuł. Budzionaha, 48a‑100 mierapryjemstvaŭ z masavym znachodžańniem ludziej».
«Faktyčna, pastanova uvodzić prostuju zabaronu na dziejnaść arhanizacyi, bo zabaraniaje znachodžańnie ŭ hramadzkaj pryjomnaj bolš za 15 čałaviek adnačasova. U nas ža na mierapryjemstvach źbirajucca ad 50 i bolš ludziej. Ciapier pravieści navat ahulny schod Haradzienskaj haradzkoj arhanizacyi — prablema», — prakamentavaŭ sytuacyju kiraŭnik Haradzienskaj abłasnoj arhanizacyi AHP Jury Istomin.
Pavodle jahonych słoŭ, u haradzienskim ofisie pravodziacca nia tolki partyjnyja mierapryjemstvy.
«Arhanizatarami jość i hramadzkija arhanizacyi, i palityčnyja partyi, i polskaja supolnaść. Zrazumieła, što zakryćcio ofisu vyhadnaje ŭładam. Bo praviadzieńnie taho ci inšaha mierapryjemstva nie zaležyć ad rašeńnia miascovaj ułady», — pryvodzić presavaja słužba AHP zajavu Juryja Istomina.
Pradstaŭnik abłasnoha adździaleńnia AHP paviedamiŭ, što atrymanaja pastanova stała vynikam vizytu supracoŭnikaŭ milicyi razam z adkaznymi asobami haradzienskaha MNS 2-ha lutaha. U toj dzień u hramadzkaj pryjomnaj prachodziŭ kancert, pryśviečany 170‑hodździu naradžeńnia Kastusia Kalinoŭskaha. Tady na imprezu sabrałosia bolš za 100 čałaviek.
«Dziŭna tolki, što padčas minułych pravierak supracoŭnikami MNS nijakich pretenzij nie ŭźnikała. Jany źjavilisia tolki paśla taho, jak mierapryjemstvy, jakija pravodziacca ŭ partyjnaj hramadzkaj pryjomnaj, stali papularnymi j na ich prychodzić sotni ludziej», — padkreśliŭ Jury Istomin.
