Padrychtoŭka da pieršaha spatkańnia vyklikaje časam nie mienšaje chvalavańnie, čym majučy adbycca ekzamien abo adkaznaja prezientacyja dla načalstva. Kab randevu z novym prychilnikam było pryjemnym i nie było azmročana niepatrebnymi kanfuzami, varta zapomnić temy, jakija na pieršym spatkańni lepš nie abmiarkoŭvać.
favim.com
Stasunki z byłymi
Kab pieršaje spatkańnie nie pieratvaryłasia ŭ viečar uspaminaŭ i škadavańniaŭ pra minułaje, paźbiahajcie razmoŭ pra eks-kachanych. Raniejšyja stasunki — važnaja tema, jakuju vy zmožacie abmierkavać, kali (i kali naohuł) pryjdzie čas, a pakul maje sens zasiarodzić uvahu na vašym spadarožniku, nie adciahvajučysia na zdaniaŭ minułaha. Kali ž vaš vizavi budzie z nastojlivaj cikaŭnaściu raspytvać pra byłyja ramany, miakka dajcie zrazumieć, što čas adkrytych hutarak pakul nie pryjšoŭ: «Ja dumaju, što nam pakul rana dzialicca adno z adnym historyjami pra minułaje. Davaj lepš pahavorym pra toje, što adbyvajecca ŭ našym žyćci ciapier».
Relihija i palityka
Ułasna kažučy, z punktu hledžańnia etykietu hetyja dźvie temy naohuł niepažadana zakranać u znosinach ź niedastatkova blizkimi ludźmi — a ŭžo tym bolš na pieršym spatkańni (kali tolki vy nie paznajomilisia na fakultecie palitałohii, u pieradvybarčym štabie abo ŭ dyskusijnym kłubie). Kali ž adzinstva śvietapohladaŭ dla vas pytańnie pieršačarhovaje, to na dapamohu pryjduć sacsietki: čaściakom dosyć biehła prahladzieć stužku pastoŭ i pieralik supołak, na jakija padpisany vaš vizavi, kab zrazumieć, nakolki padobnyja vašyja ŭjaŭleńni pra śviet.
Hrošy
Dakučlivyja rospyty pra stan bankaŭskaha rachunku i pamiery zarpłaty mała kamu dastaŭlajuć zadavalnieńnie, a ŭžo na pieršym spatkańni jany dakładna niedarečnyja. Krasamoŭna dzialicca infarmacyjaj pra ułasnyja krynicy dachodu abo skardzicca na toje, jak skoki kursaŭ valut pachisnuli vaša finansavaje stanovišča, taksama nie varta — abmierkavańnie hrašovych pytańniaŭ naŭrad ci dadaść vašamu spatkańniu ramantyki.
Seks
Zavodzić na pieršym spatkańni dyskusii na intymnyja temy naŭrad ci stała b navat haračaja štučka Samanta z «Seksu ŭ vialikim horadzie», navat kali b jaje zadačaj było spakušeńnie čarhovaha pryhažunčyka. Jak ni paradaksalna, ad takich hutarak nie vyjhraje ni spatkańnie, ni ŭłasna seks: heta prykładna jak źjavicca pierad mužčynam u adkrytym mini z krasamoŭnym dekalte — dla pieršaha randevu zanadta pramaliniejna i… sumna.
Siamiejnyja prablemy
Navat kali na pieršym ža spatkańni vy razumiejecie, što pierad vami «vaš čałaviek», jakomu chočacca raskazać pra ŭsio na śviecie, nie śpiašajciesia havaryć adkryta i dzialicca nabalełymi pieražyvańniami, źviazanymi z žyćciom vašaj siamji, vychavańniem dziaciej i kanfliktami sa svajakami. Kali stasunkam i praŭda nakanavana adbycca, mužčyna z časam abaviazkova stanie vašym hałoŭnym siabram, daradcam i viernym plačom — ale naviazvać jamu hetuju rolu pry pieršaj sustrečy adnaznačna nie varta.
Zdaroŭje
U kožnaj treciaj ramantyčnaj kamiedyi hierainia, jakaja šukaje kachańnie, traplaje na spatkańnie ź piersanažam, jaki ŭvieś viečar dzielicca ź joj svajoj historyjaj chvaroby, u padrabiaznaściach apisvajučy ŭražańni ad kałaćcia i z honaram demanstrujučy vyniatyja z nyrak kamiani. Navat sa skidkaj na schilnaść kiniematahrafistaŭ da pierabolšańnia, asnoŭnuju dumku varta zapomnić: razmovam pra pieraniesienyja chvaroby i stan zdaroŭja miesca ŭ kabiniecie lekara — ale ŭžo nijak nie na pieršym spatkańni.
Hłabalnyja płany na budučyniu
Pytańni ŭ duchu «Kim ty bačyš siabie praz 5 hadoŭ?» i «Jakija ŭ ciabie mety ŭ žyćci?» vydatna ŭpišucca ŭ razmovu — kali vy źjaŭlajeciesia pradstaŭnikom słužby piersanału, a vaš surazmoŭca — kandydatam u supracoŭniki. Jak by vam ni chaciełasia vyśvietlić stupień surjoznaści namieraŭ novaha znajomaha, dajcie sabie i jamu čas i nie pryśpiešvajcie padziei. Navat kali pierad vami mužčyna vašaj mary — nie patrabujcie ad jaho nieadkładnaj dekłaracyi namieraŭ: dajcie mahčymaść skaryć vas i dakazać svaje pačućci ŭčynkami.
