Biełaruskaja čyhunka ŭ letnim siezonie-2015 arhanizuje dva novych maršrutu da kurortaŭ Azoŭskaha i Čornaha moraŭ, paviedamili ŭ pres-słužbie BČ.
Z 1 červienia BČ padoŭžany maršrut ciahnika №100/99 Minsk — Zaparožža da stancyi Novaalaksiejeŭka, što daść mahčymaść pasažyram dajechać da kurortaŭ Azoŭskaha mora. Pa maršrucie Minsk — Novaalaksiejeŭka ciahnik №100/99 budzie kursiravać usio leta da 1 vieraśnia. Ź Minska ciahnik budzie adpraŭlacca pa niacotnych čysłach, z Novaalaksiejeŭki — pa cotnych. Čas adpraŭleńnia ciahnika sa stalicy Biełarusi — 7.44, prybyćcia ŭ Novaalaksiejeŭku — 9.06 nastupnych sutak. U advarotnym kirunku ciahnik budzie adpraŭlacca z Novaalaksiejeŭki ŭ 23.01 i prybyvać u Minsk u 00.08.
Z metaj dastaŭki pasažyraŭ da kurortaŭ Čornaha mora Biełaruskaja čyhunka z 15 červienia pryznačyła novy ciahnik mižnarodnych linij № 284/283 Baranavičy — Minsk — Chierson. Sastaŭ budzie adpraŭlacca z Baranavič pa niacotnych čysłach, z Chiersona — pa cotnych. Čas adpraŭleńnia sa stancyi Baranavičy-Paleskija — 11.11; stancyi Minsk-Pasažyrski — 13.47; prybyćcia ŭ Chierson — 12.52 nastupnych sutak. U advarotnym kirunku ciahnik budzie adpraŭlacca z Chiersona ŭ 15.20 i prybyvać u 13.39 u Minsk, a ŭ 16.24 — u Baranavičy. Ciahnik budzie kursiravać da 31 žniŭnia biahučaha hoda.
