Z 1 červienia 2015 hoda Pasolstva ZŠA ŭ Minsku pačnie pryjom zajaŭ ab praciahu dziejnych viz i adnaŭleńni minułych, jakim mieniej za čatyry hady.
U niekatorych vypadkach dla hetaha zajaŭnikam nie treba budzie navat prychodzić na sumoŭje ŭ pasolstva.
«Novaj praceduraj zmohuć skarystacca tyja, u kaho apošniaja viza minuła nie bolš, čym čatyry hady tamu, čyje adbitki palcaŭ ŭžo jość u našaj sistemie, i chto budzie źviartacca za vizaj toj ža katehoryi, havorycca ŭ paviedamleńni pasolstva Złučanych Štataŭ.
Dla taho, kab palehčyć praceduru adnaŭleńnia viz tym z vas, kamu nie treba budzie prychodzić na sumoŭje, i chto žyvie daloka, my dazvolim zdavać dakumienty nie asabista, a praź inšych ludziej.
Dla tłumačeńnia novaj pracedury my dadali novyja staronki na anhlijskaj i ruskaj movach na naš sajt u Internecie, paviedamlaje sajt Pasolstva ZŠA ŭ Minsku.
Tam vy zmožacie daviedacca, chto moža skarystacca novaj praceduraj i jak heta možna budzie zrabić. U čaćvier 28 maja 2015 h. u 17:00 na našaj staroncy ŭ Fejsbuku zapłanavana pramaja linija z konsułam Fredam Sternam, jaki adkaža na vašy pytańni ab novaj pracedury, paviedamlaje Pasolstva.
Usie, chto źviartajecca pa vizy ŭ Minsku, pavinny prytrymlivacca standartnaj pracedury zvarotu pa vizyi, pryviedzienaj na staroncy pasolstva ŭ Internecie.
U žniŭni minułaha hoda pasolstva taksama pašyryła śpis akazvajucca vizavych pasłuh, uklučyŭšy ŭ jaho vizy F, M, J i P i adnaŭleńnie bolšaści katehoryj viz, jakija vydajucca na padstavie uchvalenaj pietycyi.
Usie tyja, chto źviartajecca pa vizy ŭ inšych katehoryjach, nie zhadanych vyšej, pavinny buduć, jak i raniej, źviartacca ŭ pasolstvy ZŠA ŭ susiednich krainach. Pasolstva razhledzić mahčymaść pašyreńnia ŭ budučyni vizavych pasłuh u inšych katehoryjach».
