Biełaruskaja sacyjał-demakratyčnaja partyja (Hramada) stvaraje «Infarmacyjnuju sotniu»ź liku svaich internet-aktyvistaŭ. Pra novuju inicyjatyvu zajaviŭ siońnia pieršy namieśnik staršyni partyi Ihar Masłoŭski padčas sieminara ŭ Breście.
Pavodle jaho słovaŭ, «Infarmacyjnaja sotnia» budzie mieć sietkavuju strukturu i achoplivać kala 100 aktyvistaŭ. Štab «sotni» składajecca z šaści abłasnych kaardynataraŭ, kaardynatara pa Minsku, a taksama adnaho nacyjanalnaha kardynatara. U kožnaj vobłaści budzie dadatkova padrychtavana minimum 10 padobnych internet-aktyvistaŭ.
Asnoŭnaja praca «Infarmacyjnaj sotni» budzie adbyvacca ŭ sacyjalnych sietkach Fejsbuk, Vkontaktie i Adnakłaśniki, jakija karystajucca najbolšaj papularnaściu ŭ Biełarusi.
Da takoha kroku sacyjał-demakrataŭ padšturchnuła aktyvizacyja ŭ internecie prarasijskich aktyvistaŭ, pryniaćcie zakona ab błakiroŭcy infarmacyjnych resursaŭ, a taksama źjaŭleńnie fejkavych kamientataraŭ, za jakimi mohuć chavacca supracoŭniki biełaruskich śpiecsłužbaŭ.
