Aŭtamabilaŭ jeŭrapiejskich brendaŭ biełaruskaj zborki stała bolej: 26 maja aficyjna startavali prodažy aŭtamabilaŭ francuzskaj marki Citrojen — kampaktvena Citrojon Berlingo i siedana Citrojon C-Elysee.
Zborka ažyćciaŭlajecca na pramysłovych mahutnaściach zavoda «Junisan», raźmieščanaha ŭ vioscy Abčak za 10 km ad Minska, dzie vypuskajucca taksama aŭtamabili Peugeot, Zotye i Opel.
Ceny na Citrojon Berlingo startujuć ad 239 młn bieł. rub. Madel abstalavana bienzinavym (110 k.s.) matoram abjomam 1,6 litra z MKPP. Aŭtamabil prapanujecca ŭ śpiecyjalnaj dla Biełarusi kamplektacyi: kandycyjanier, 2 ssoŭnych dźviarej, sučasnaja aŭdyjosistema, 2 paduški biaśpieki, ABS, EBD, AFU, supraćtumanyja fary, składnoje zadniaje siadzieńnie 1/3 —2/3 i mnohaje inšaje.
Siedan Citrojon C-Elysee kaštuje ad 149 młn rub. abstaloŭvajecca bienzinavymi matorami «Jeŭra-5» abjomam 1,2 ł (72 ł.z.) i 1,6 ł (115 k.s.) z MKPP abo AKPP. Prapanujecca ŭ troch uzroŭniach kamplektacyi: Dynamique, Tendance i Exclusive. Niezaležna ad kamplektacyi aŭtamabili całkam adaptavanyja dla našaj krainy: pavialičany klirans, stalnaja abarona kartera, poŭnapamiernaje zapasnoje koła, 100% acynkavany kuzaŭ.
— Idzie padrychtoŭka śpiecyjalnych umoŭ lizinhu i kredytu, jakija zrobiać aŭtamabili jašče bolš dastupnymi, — paviedamiŭ auto.tut.by dyrektar pa markietynhu «PS AŬTA HRUP» (aficyjny imparcior Peugeot i Citrojen ŭ Respublicy Biełaruś) Valancin Tryhorłaŭ.
Na Citrojon biełaruskaj vytvorčaści dajecca zavodskaja harantyja 2 hady biez abmiežavańnia prabiehu, jakuju možna padoŭžyć da 5 hadoŭ abo 160 tys. km. Taksama dziejničaje harantyja 12 hadoŭ ad skraznoj karozii.
Za pieršyja miesiacy prodažaŭ Peugeot 301, 3008, 508 i Partner Tepee biełaruskaj zborki pradadziena bolš za 150 aŭtamabilaŭ, paviedamiŭ pradstaŭnik aficyjnaha imparciora marki.
Siońnia ŭ Biełarusi źbirajecca 12 madelaŭ lehkavych aŭtamabilaŭ:
try Geely u Barysavie; Samand, Zotye, Peugeot 301, 508, 3008, Partner, Citrojon C-Elysee i Berlingo, a taksama Opel Mokka ŭ Abčaku.
