Rasija budzie budavać svaje ŭłasnyja viertalotanoscy pa padobnaj z «Mistralami» kanstrukcyi, pry hetym nie paŭtarajučy francuzskija sudny całkam, śćviardžajuć pradstaŭniki rasijskaha vajenna-pramysłovaha kompleksu.
«U nas takija karabli zapłanavanyja, jany ŭ nas znachodziacca ŭ prajekcie, ale my ich budujem krychu pavodle inšaha padychodu. U nas krychu inšaja ideałohija pracy marskoha desantu. I voś tak u łob, prosta kapijavać «Mistral» my nie budziem», — zajaviŭ žurnalistam namieśnik staršyni kalehii vajenna-pramysłovaha kompleksu Aleh Bačkaroŭ.
Pavodle jaho słoŭ, Rasija i Francyja na pieramovach pa viertalotanoscach typu «Mistral» siońnia abmiarkoŭvajuć tolki adno pytańnie — sumu kampiensacyi, jakuju pavinna atrymać Rasija.
Namieśnik sakratara Savieta Biaśpieki Rasii Jaŭhien Łukjanaŭ ŭ aŭtorak vykazaŭ upeŭnienaść, što admova Paryža ad pastaŭki «Mistralaŭ» nie paŭpłyvaje na rasijskuju abaranazdolnaść.
Pavodle paviedamleńniaŭ ŚMI, Francyja admoviłasia ad pastavak «Mistralaŭ» Rasii i rychtujecca ŭrehulavać pytańnie ab kampiensacyi.
