Ułady Biełarusi pryniali rašeńnie samastojna pačać realizacyju prajekta pa budaŭnictvie bujnoha azotnaha kompleksu na AAT «Hrodna Azot». Raniej urad spadziavaŭsia na pryciahnieńnie zamiežnych inviestycyj pad hety prajekt.
Budaŭnictva novaha azotnaha kompleksu koštam kala 1,2 młrd dalaraŭ, nahadajem, było zapłanavana maštabnaj prahramaj madernizacyi «Hrodna Azota», jakaja taksama ŭklučaje i inšyja prajekty na ahulnuju sumu ŭ 500 młn dalaraŭ.
U 2014 hodzie ŭłady Biełarusi płanavali pryciahnuć inviestara ŭ hety prajekt, vystaviŭšy na konkurs błok-pakiet hrodzienskaha pradpryjemstva ź minimalnaj koštam ŭ 414 młn dalaraŭ. Pry hetym košt vyznačaŭsia z ulikam pramych pastavak pryrodnaha hazu ad mahistralnaha hazapravoda AAT «Hazpram transhaz Biełaruś» da AAT «Hrodna Azot». Adnak achvotnych udzielničać u konkursie nie znajšłosia. Zatym źjaviłasia infarmacyja, što pryvatyzacyja «Hrodna Azota» moža adbycca pa vynikach pramych pieramovaŭ z patencyjnym pakupnikom. Asnoŭnym inviestaram nazyvałasia kampanija «JeŭraChim» uradženca Biełarusi Andreja Mielničenki.
Jak paviedamiŭ 27 maja žurnalistam namieśnik staršyni kancerna «Biełnaftachim» Ihar Bobyr, pieramovy z patencyjalnymi inviestarami praciahvajucca. «Jość umovy konkursu, jakija nazvała kraina. My zacikaŭleny ŭ fundatarach, ale ŭmovy pavinny vykonvacca», — skazaŭ jon.
Pa słovach Bobyra, u sieradu ŭ Hrodna prajšła narada z udziełam vice-premjera Uładzimira Siamaški z nahody budaŭnictva novaha azotnaha kompleksu. «My pierajšli da realizacyi hetaha prajekta svaimi siłami, ale ŭvachodžańnie inviestara mahčyma na lubym etapie. Navat kali my jaho pabudujem, to inviestar moža pryjści», — adznačyŭ pradstaŭnik «Biełnaftachima».
Niadaŭna «Kitajskaja karparacyja inžynirynhu SAMS» vykazała cikavaść da ŭdziełu ŭ realizacyi prajekta budaŭnictva azotnaha kompleksu ŭ AAT «Hrodna Azot». Jakim čynam heta moža adbycca, kali ŭličvać, što Biełaruś žadaje pryciahnuć inviestara, jaki b mieŭ ułasny resurs abo harantyi pastaŭki syraviny (pryrodnaha hazu)? Heta nie značyć, što jany nabuduć akcyi — jany mohuć vystupić inviestaram u častcy hrošaj, hienieralnym padradčykam budaŭnictva», — skazaŭ Bobyr.
Pa słovach namieśnika staršyni «Biełnaftachima», u ciapierašni čas viadziecca abhruntavańnie inviestycyj na realizacyju hetaha prajekta. U vieraśni hetuju pracu płanujecca zaviaršyć, i stanie viadomy pastaŭščyk abstalavańnia dla novaha azotnaha kompleksu. Zaviaršyć budaŭnictva kompleksu miarkujecca ŭ 2017 hodzie.
Ihar Bobyr taksama skazaŭ, što Biełaruś razhledzić pytańnie ab nabyćci partovaj infrastruktury ŭ krainach Bałtyi dla pieravałki azotnych uhnajeńniaŭ paśla zaviaršeńnia budaŭnictva novaha kompleksu na «Hrodna Azocie». Jon rastłumačyŭ, što ŭ ciapierašni čas bolš za pałovu azotnych uhnajeńniaŭ spažyvajucca ŭnutry krainy». Kab efiektyŭna pracavać [u partach] patrebien stabilny abjom ekspartu. A heta ŭžo paśla realizacyi prajekta. Tady možna budzie razhladać party, prybałtyjskija ŭ pieršuju čarhu», — skazaŭ Bobyr.
