Pra heta paviedamiła hałoŭny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Śviatłana Rybakova.
U piatnicu, 29 maja, umovy nadvorja na terytoryi Biełarusi budzie ŭ asnoŭnym vyznačać vobłaść pavyšanaha atmaśfiernaha cisku. Pieravažna budzie biez apadkaŭ, tolki pa ŭschodzie krainy, dzie adčujecca ŭpłyŭ frantalnaha raździełu, miescami projduć karotkačasovyja daždžy, mahčymy navalnicy. Nočču i ranicaj u asobnych rajonach zhuścicca słaby tuman. Tempieratura pavietra nočču składzie ad 3 da 9 hradusaŭ vyšej za nul, pa ŭschodzie Biełarusi budzie na paru hradusaŭ ciaplej, dniom pry nievialikaj vobłačnaści pavietra prahrejecca da 17-23 hradusaŭ ciapła.
U subotu na bolšaj častcy terytoryi krainy zachavajecca ŭpłyŭ vobłaści pavyšanaha atmaśfiernaha cisku, budzie pieravažna biez apadkaŭ, tolki dniom pa paŭnočna-zachodniaj pałavinie krainy pry prachodžańni małaaktyŭnaha atmaśfiernaha frontu miescami mahčymy karotkačasovyja daždžy, navalnicy.
Nočču i ranicaj u asobnych rajonach čakajecca tuman. Tempieratura pavietra nočču składzie plus 6-12 hradusaŭ, dniom budzie 17-24 hradusy ciapła, pa poŭdni - da 26 hradusaŭ vyšej za nul.
U niadzielu nočču jašče adčujecca ŭpłyŭ frantalnaha raździełu, tamu miescami pa krainie projduć karotkačasovyja daždžy, dniom u asnoŭnym budzie biez apadkaŭ, tolki ŭ asobnych rajonach Viciebskaj vobłaści mahčymy nievialikija daždžy. Tempieratura pavietra nočču składzie 6-12 hradusaŭ ciapła, dniom pavietra prahrejecca da 17-24 hradusaŭ vyšej za nul.
«Pačatak leta budzie ciopłym, soniečnym i ŭ asnoŭnym biez apadkaŭ», - adznačyła Śviatłana Rybakova.
U paniadziełak budzie pieravažna biez apadkaŭ. Nočču i ranicaj u asobnych rajonach mahčymy tuman. Tempieratura pavietra nočču składzie 5-12 hradusaŭ ciapła, dniom budzie 17-24 hradusy vyšej za nul, u paŭdniovych rajonach pavietra prahrejecca da plus 26 hradusaŭ.
U aŭtorak nočču budzie pieravažna biez apadkaŭ, dniom u asobnych rajonach mahčymy karotkačasovyja daždžy, navalnicy. Tempieratura pavietra nočču składzie 7-14 hradusaŭ vyšej za nul, dniom budzie ad plus 23 hradusaŭ pa paŭnočnym uschodzie da plus 29 hradusaŭ pa paŭdniovym zachadzie krainy.
