U centralnaj carkvie Jevanhielskich chryścijan-baptystaŭ u Kobrynie 28-29 žniŭnia adbudziecca Respublikanski moładzievy kanhres. Forum vierujučaj moładzi projdzie pad devizam «Ducham uspałymniajciesia, Hospadu słužycie».
U asnovu pracy kanhresa buduć pakładzienyja roznyja teałahičnyja aśpiekty Pasłańnia da Rymlanaŭ — Kiraŭnictva Sajuza cerkvaŭ JECHB i Abłasnych abjadnańniaŭ, a taksama słužycieli pamiesnych cerkvaŭ buduć kazać ab Božym providzie i miescy chryścijanina ŭ Božych płanach, zakličuć maładych ludziej da pakajańnia i pryśviačeńnia, paviedamiŭ na svajoj staroncy u sacsietkach adzin z arhanizataraŭ kanhresa.
U prahramie kanhresa — dyskusii na temy «Dary ŭ słužeńni», «Vučeńnie ab chryścijanskaj svabodzie», «Duchoŭnaja baraćba», «Zaležnaść ad infarmacyjnych technałohijaŭ», «Relihijnaść», «Chibnaść fiłasofii kultu cieła i pryhažości», «Słoŭnik rymskich terminaŭ», «Pryśviačeńnie».
Da ŭdziełu zaprašajecca moładź pamiesnych cerkvaŭ uzrostam ad 16 hadoŭ, ab namiery ŭdzielničać pažadana paviedamić u Abjadnańnie cerkvaŭ da 31 lipienia.
Rehistracyjny ŭniosak składaje 150 tysiač rubloŭ na adnaho čałavieka, u jakija ŭvachodziać charčavańnie i pražyvańnie.
