U vyniku apošnich damoŭlenaściej u Biełarusi niama prablem z vyhadnymi kredytami. Na hety fakt źviarnuŭ uvahu Alaksandr Łukašenka, vystupajučy na adkryćci biełaruska-indyjskaha biźnies-forumu.
«U naš niaprosty čas vielmi mnohija pradprymalniki, biźniesmieny, kiraŭniki vialikich pradpryjemstvaŭ havorać ab kredytavańni, finansavańni bolš vyhadnym i lhotnym, - adznačyŭ biełaruski lidar. - U vyniku našych apošnich vizitaŭ i damoŭlenaściej u Azijackim rehijonie, z Kitajskaj Narodnaj Respublikaj, Pakistanam, Indyjaj, raniej Vjetnamam i inšymi dziaržavami - prablem z kredytami niama, i heta vielmi vyhadnyja kredyty».
Alaksandr Łukašenka nahadaŭ, što ŭ čas apošniaha vizitu ŭ Biełaruś staršyni KNR Si Czińpina dasiahnuta damoŭlenaść ab vydzialeńni Biełarusi $7 młrd kredytnych resursaŭ dadatkova da $15 młrd, vydzielenych raniej pad nievialiki pracent. Prezident Indyi na sustrečy z kiraŭnikom biełaruskaj dziaržavy, praviedzienaj 3 červienia, adznačyŭ, što ŭrad Indyi padtrymlivaje indyjskija i biełaruskija kampanii i budzie pradastaŭlać im ilhotnyja kredyty.
Kiraŭnik biełaruskaj dziaržavy padkreśliŭ, što srodki pavinny nakiroŭvacca na efiektyŭnyja prajekty. Pry hetym Alaksandr Łukašenka adznačyŭ, što im pryniata rašeńnie nie padzialać u hetym vypadku pradpryjemstvy na dziaržaŭnyja i pryvatnyja. «Usie majuć prava i mohuć atrymać hetyja kredyty pad raźvićcio vytvorčaści», - skazaŭ jon.
«Tamu, ja skazaŭ by, upieršyniu ŭ historyi ŭ Biełarusi stvorany takija ŭnikalnyja ŭmovy dla raboty biźniesu. Hałoŭnaje - heta prajekty. Skažu ščyra, ich prosta nie chapaje siońnia. Tamu što staŭ bolš strohim padychod da ich: prosta tak, biez usialakich harantyj, vyrablać i na skład składać pradukcyju ŭ naš čas sprava drennaja. Tamu jość dobry prajekt - budziem padtrymlivać, budziem finansavać», - adznačyŭ biełaruski lidar.
