Ceły miesiac nichto nie viedaŭ pra los stvaralnika sajta 1863x.com, jaki chavajecca pad nikam Džon Silvier. Vykazvalisia samyja roznyja zdahadki: ad jaho aryštu ci chłopcu prosta nadakučyła hetym zajmacca.
Učora Džon Silvier znoŭ pačaŭ pisać u tviter. «Žyvy-zdarovy. Daviałosia zalehčy na dno dniščanskaje. Vidać, niechta rychtavaŭ majo zatrymańnie. Dziakuj ahramadny ŭsim, chto pieražyvaŭ», - napisaŭ jon u svaim mikrabłohu.
Siońnia Džon Silvier abiacaje bolš padrabiazna raskazać pra historyju svajho źniknieńnia, kudy jon dziavaŭsia i što za hetym stajała. Na dadzieny momant karystalnik uznaŭlaje dostup da sajta, a taksama sacsietak. «Daviałosia razłamać usiu maju techniku pierad adychodam».
Sajt 1863x.com vyłučajecca krajnim nacyjanalizmam i časam radykalnaściu, choć i viadziecca pa-rasiejsku. Jon zasnoŭvaŭsia jak adkaz na padobny rasijski prajekt «Sputnik i pahrom». Viadziecca 1863x.com na ŭmovach poŭnaj ananimnaści. Nichto nie viedaje, chto taki Džon Silvier.
