Na naftabazie pad Kijevam ŭzarvalisia reziervuary z palivam. Vybuch byŭ takoj siły, ratavalniki i miedyki, što znachodzilisia na miescy, raźbiahalisia ŭrassypnuju. Vybuch — nastupstva pažaru, jaki nie mohuć patušyć z 17:00 8 červienia, paviedamlaje kp.ua.
Miedyki ŭvieś čas viazuć paciarpiełych u balnicy. U Vasilkovie, dzie znachodzicca naftabaza, pieraboi z mabilnaj suviaźziu.
Pavodle DSNS, adzin čałaviek zahinuŭ, jašče try dastaŭleny ŭ balnicu. Ale kolkaść achviar moža być vialikaj, bo ŭ centry vybuchu znachodzilisia kala 180 ratavalnikaŭ.
Kiraŭnik MUS vielmi emacyjna prakamientavaŭ situacyju ŭ «Fejsbuku», napisaŭšy: «Vybuch na naftabazie pad Vasilkovym. Hihancki. Zahinuli pažarnyja. SNS ściahvaje ŭsie, što jość. Pa tryvozie padniataja Nachvardyja. Pracujem», — napisaŭ Arsien Avakaŭ.
***
Na naftabazie harać užo 16 reziervuaraŭ z haručym.
Adznačajecca, što ciapier likvidavany pažar adnaho reziervuara jomistaściu 900 kub. m i praciahvajecca tušeńnie 16 reziervuaraŭ, ź ich: 8 - jomistaściu 900 kub. m. i 8 - jomistaściu 50 kub.m, piša Unian.net.
***
Pažar na naftabazie «BRSM-nafta» ŭ pasiołku Hlavacha Vasilkoŭskaha rajona Kijeŭskaj vobłaści pa stanie na 07:00 9 červienia praciahvajecca, u vyniku zdareńnia paciarpieli 5 čałaviek.
Pra heta havorycca ŭ paviedamleńni pres-słužby Dziaržsłužby pa nadzvyčajnych situacyjach.
Usiaho da tušeńnia pažaru pryciahnuta 62 adzinki pažarnaj i śpiecyjalnaj techniki i 308 čałaviek asabovaha składu, a taksama 3 pažarnyja ciahniki ad «Ukrzaliźnicy».
BRSM-nafta, u pryvatnaści, vykarystoŭvaje pastaŭki Mazyrskaha naftapierapracoŭčaha zavoda.
