Novy prajekt Janki Maŭzera «MAMA» pradstaŭlaje na Tuzin.fm śviežy trek «Budź złoj», jaki voźmie ŭdzieł u apošnim tury ŭ muzyčnym sezonie 2014-2015.
Kolišni lider hurta Mauzer pradstaviŭ svoj prajekt «MAMA» hod tamu pieśniaj «Vam!», jakaja ciapier uvachodzić u trojku samych zapatrabavanych biełaruskich hitoŭ na Tuzin.fm za ŭvieś čas. Z taho momantu novy hurt Jana Maŭzera pierad publikaju tak i nie źjaviŭsia, zatoje plonna pracavaŭ u studyi. Adzin ź śviežych trekaŭ muzyki pradstaŭlajuć u 16-m tury aŭdyjočartu.
«Hetaja pieśnia była napisanaja ŭ 2012 hodzie ŭ Kijevie. Ja nie prychilnik tłumačeńnia sensu svaich tvoraŭ na słovach, źnikaje fiška ŭ takim razie. Pieśnia dla mianie – heta sproba pa-inšamu pahladzieć na zrazumiełyja rečy, tamu liču, što słuchaču budzie cikava razhadać kod, a nia prosta ŭziać u ruki ŭžo sabrany kubik-rubik, niby školnuju chrestamatyju pačytaŭšy», – kaža Jan pra kampazycyju «Budź złoj» i pradstaŭlaje ludziej, ź jakimi jon pracuje ŭ miežach prajektu i jakija vyznačajuć jaho hučańnie.
«Pierš za ŭsio – heta hitaryst Siarhiej Nikałajčanka. Čałaviek, jaki hraŭ treš u 80-ja, papsu z Anžalikaj Ahurbaš i «Virtualnymi technalohijami» ŭ 90-ja j nulavyja, a zaraz hraje sa mnoj. Čamu ja biaskonca rady.Basystam u nas Uładzimier Razvadoŭski. Multyinstrumentalist i razumny pazytyŭny čałaviek, jaki dakładna adčuvaje, što j jak treba syhrać. Akramia nas, hraje taksama na kłavišach u «Biez bileta». I niahledziačy na svoj zusim małady ŭzrost, paśpieŭ užo pabyć udzielnikam Yellow Brick Road, ansambli Łarysy Hrabalovaj. Bubnač – Arciom Kryščanovič. Taksama multyinstrumentalist – hitara, skrypka, fartepijana, mister intelihientnaść i spakoj. Da «Mamy» hraŭ u «Tezaŭrus» i «Skimen». Narešcie, zapis, źviadzieńnie, majstravańnie, kłavišy – Uładzimier «Kolxz» Sieladcoŭ – kolišni hitaryst Mauzer – moj vierny bajavy tavaryš. Čałaviek składany, tonki j hłyboka talenavity».
Pakul muzyki vyznačajuć svoj stan, jak «nabirańnie mocy». U pracy ŭ ich znachodzicca jašče niekalki trekaŭ i jany ŭžo hatovy pradstavić prajekt užyvuju. Vystup hurta «MAMA» u Miensku planujecca na vosień-2015.
MAMA – Budź złoj (muzyka Jana Maŭzera i Siarhieja Nikałajčanki, słovy Jana Maŭzera). Źmiaščajecca sa zhody vykanaŭcy.
Budź złoj
Budź sa mnoj złoj, kali łaska,
Kab vysachła imia tvajho mora,
Kab pamiać nie razryvała na častki
I nie dušyła halštukam čornym.
Siabar, ty mnie paniaščaściŭ,
Zamkni na kluč svaje dźviery,
U nas z taboj niama času –
Tvoj cień zabuduć špalery.
Budź sa mnoj złoj, kali łaska,
Bo paduška jašče taboj pachnie,
Bo ahulnaja zubnaja pasta
Jašče na paličcy ŭ vannym.
Budź sa mnoj złoj, kali łaska,
Bo adzin ja ŭ čužym horadzie.
Budź, kab ja nia byŭ płaksam,
Kab trymaŭ svajo serca ŭ choładzie.
