Samaabvieščanyja Łuhanskaja i Danieckaja narodnyja respubliki hatovyja pryznać Krym i Sievastopal składovaj častkaj Ukrainy.
Adpaviednyja farmuloŭki ŭtrymlivajucca ŭ prapanavanym «respublikami» prajekcie źmianieńniaŭ u Kanstytucyju krainy, jaki byŭ nakiravany ŭ kantaktnuju hrupu pa ŭrehulavańni kanfliktu na Danbasie. Dakumient dastupny dla spampoŭvańnia na sajcie Łuhanskaha infarmacyjnaha centra.
«U skład Ukrainy ŭvachodziać: Aŭtanomnaja Respublika Krym (…) harady Kijeŭ i Sievastopal», — havorycca ŭ artykule 133 dakumienta, u jakim źmiaščajucca źmieny pa pravavym statusie asobnych rajonaŭ Danieckaj i Łuhanskaj abłaściej Ukrainy.
Taksama aŭtary prajekta padkreślivajuć, što «harady Kijeŭ i Sievastopal, asobnyja rajony z asablivym statusam Danieckaj i Łuhanskaj abłaściej majuć śpiecyjalny status, jaki vyznačajecca zakonami Ukrainy».
