Ministerstva handlu Biełarusi ŭstanaviła parušeńni praviłaŭ handlu ŭ kramach i kafeteryjach, ustanoŭlenych na zapraŭkach sietki A-100, jakaja naležyć kampanii «Astatrejdynh».
Zapraŭki A-100 viadomyja taksama i tym, što absłuhoŭvańnie viadziecca pa-biełarusku, fota Hleba Łabadzienki.
«Handlovaja inśpiekcyja Ministerstva handlu ŭ ramkach płanavaj pravierki, jakaja pravodzicca Kamitetam dziaržkantrolu, pravieryła 12 kram i kafeteryjaŭ sietki zapravak A-100 i va ŭsich ŭstanaviła parušeńni patrabavańniaŭ zakanadaŭstva ab handli i abaronie pravoŭ spažyŭcoŭ», — paviedamili ŭ Minhandlu.
Tam adznačyli, što siarod vyjaŭlenych parušeńniaŭ — fakty nievykanańnia umoŭ i tempieraturnych režymaŭ zachoŭvańnia praduktaŭ charčavańnia, realizacyi praterminavanych tavaraŭ, ałkaholnych napojaŭ z paškodžanymi akcyznymi markami i inšyja parušeńni. Pry hetym, niahledziačy na nievialiki pa kolkaści asartymientny pieralik, u asobnych abjektach jon nie vykonvaŭsia bolš čym na 30%.
U dačynieńni da vinavatych asob raspačaty administracyjny praces. Adpaviednyja materyjały pradstaŭleny ŭ Kamitet dziaržkantrolu, prainfarmavali ŭ Minhandli.
