Ministr unutranych spraŭ Arsien Avakaŭ pryznačyŭ šefam novaj patrulnaj palicyi Kijeva majora Alaksandra Faceviča.
Faceviču ŭsiaho 27 hodoŭ. U minułym jon prafiesijny vajskoviec. Jon skončyŭ Adeski instytut suchaputnych vojskaŭ i słužyŭ u armii ŭ desancie.
Pa zakančeńni kantrakta vykładaŭ u Vałynskim licei z uzmocnienaj vajskova-fizičnaj padrychtoŭkaj. Navučaŭ bajcoŭ Samaabarony Vałyni. Žanaty, maje 5-hadovuju dačku.
«Kali my ŭ MUS pačali stvarać dobraachvotnickija bataljony va ŭsioj krainie, Alaksandr biez razvažańniaŭ pahadziŭsia ŭznačalić rotu patrulnaj słužby śpiecyjalnaha pryznačeńnia «Śviciaź» u Vałynskaj vobłaści», — paviedamiŭ Avakaŭ.
«Facevič adbiraŭ bajcoŭ pa troch kryterach: dobraja fizičnaja padrychtoŭka, słužba ŭ armii i hatoŭnaść abaraniać Radzimu», — dadaŭ jon.
Bajavoje chryščeńnie rota «Śviciaź» brała ŭ bajach pad Iłavajskam. U śniežni 2014 bajcy «Śviciazi» byli nakiravany pad Debalcava. Tam try dni «Śviciaź» trymaŭ abaronu ŭ atačeńni. Paśla Faceviču ŭdałosia vyvieści bajcoŭ z atačeńnia biez strat.
«Kali syści ad strohich radkoŭ aficyjozu, Alaksandr — adzin z samych aŭtarytetnych bajavych aficeraŭ-kambataŭ MUS», — napisaŭ Avakaŭ.
