Były dziaržsakratar ZŠA Chiłary Klintan pačała prezidenckuju pieradvybarčuju honku z vystupu pierad tysiačami prychilnikaŭ u Ńju-Jorku.
U pramovie na vostravie Ruźvielta 67-hadovaja Klintan nahadała pra svoj źniešniepalityčny dośvied: «Ja davała adpor supiernikam typu Pucina i ŭmacoŭvała sajuźnikaŭ typu Izraila, i ja była ŭ situacyjnym centry ŭ toj dzień, kali my dastali bin Ładena».
Bolšaja častka pramovy Klintan, zrešty, tyčyłasia ŭnutrypalityčnych prablem, pierš za ŭsio rastučaj niaroŭnaści dachodaŭ.
«Bahaćcie nie moža być tolki dla top-mieniedžaraŭ i kiraŭnikoŭ inviestycyjnych fondaŭ; demakratyja nie moža być tolki dla miljarderaŭ i karparacyj», — zajaviła Klintan, źviartajučysia da tysiač svaich prychilnikaŭ.
Nahadajem, heta druhaja sproba Chiłary Klintan stać prezidentam ZŠA.
