Lidara nacyjanalistyčnaha ruchu «Ruskija» Dźmitryja Dziomuškina vyklikali na razmovu ŭ Fiederalnuju słužbu biaśpieki (FSB), paviedamlaje »OVD-Info».
Pa słovach Dziomuškina, jaho vyklikali na aŭtorak 16 červienia, nie nazvaŭšy pryčynu dla hutarki.
Taksama nacyjanalist raspavioŭ AUS-Infa, što ŭ adździeł palicyi, dzie znachodziacca zatrymanyja padčas turniru pa nažavym bai, pryjšło rasparadžeńnie FSB ŭstanavić asoby ŭsich dastaŭlenych u AUS Ziablikava.
Jak udakładniŭ Dziomuškin, udzielniki turniru pa nažavym bai byli zatrymanyja pa daručeńni FSB. Jon adznačyŭ, što siarod zatrymanych jość i ŭdzielniki spabornictva, i supracoŭniki spartkompleksu, u jakim pavinien byŭ prajści turnir. Usiaho siłaviki zatrymali 49 čałaviek.
Pavodle infarmacyi AUS-Infa, supracoŭniki adździeła palicyi adpuskajuć zatrymanych biez składańnia pratakołaŭ, ale prymusova pravodziać im daktyłaskapiju.
Pavodle paviedamleńniaŭ u hrupie škoły nažavoha boju, jakaja ŭdzielničała ŭ arhanizacyi turniru, va «UKantakcie», spabornictva sarvali AMAP i FSB.
U hrupie raspaviali, što supracoŭniki FSB, jakija ŭdzielničali ŭ siońniašnim zatrymańni, prysutničali pry zatrymańni Dziomuškina i jašče 40 čałaviek padčas nibyta viečarynki ŭ honar Hitlera. Tady nacyjanalist zajaviŭ, što sustreča była pryśviečana padrychtoŭcy čarhovaha turniru pa nažavym bai, a nie dniu naradžeńnia Hitlera.