Kinakampanija The Weinstein Co. abviaściła datu vychadu novaha filma Kviencina Tarancina «Ahidnaja vaśmiorka». Karcina vyjdzie ŭ abmiežavany prakat u ZŠA 25 śniežnia 2015 h. na stužcy 70 milimietraŭ, a praz dva tydni — 8 studzienia — u ličbavym farmacie film pačnuć pakazvać pa ŭsim śviecie.
Tyzier filma byŭ apublikavany ŭ krasaviku 2015 hoda.
Apošni film Tarancina «Džanha vyzvaleny» sabraŭ u suśvietnym prakacie 400 miljonaŭ dalaraŭ.
«Džanha» taksama vyjšaŭ u prakat na Kalady.
Uzimku 2014 scenar «Ahidnaj vaśmiorki» trapiŭ u Internet. Kviencin Tarancina spačatku chacieŭ admovicca ad zdymak filma, adnak zatym pieradumaŭ - ale režysioru pryjšłosia častkova źmianić scenar.
U karcinie źnialisia Kurt Raseł, Semiueł Ł. Džeksan, Cim Rot, Brus Dern i Uołtan Hohins.
Dziejańnie viesterna Tarancina razhortvajecca ŭ kancy 1860-ch hadoŭ, paśla Hramadzianskaj vajny ŭ ZŠA. U filmie raspaviadajecca ab palaŭničych za hałovami, jakija šukajuć prytułak, kab schavacca ad śniežnaj bury, i akazvajucca ŭsie razam u hałantarejnaj kramie.
